ព័ត៌មានជាតិ

ចលនាយុវជនកម្ពុជា១៥៧ សាខាខេត្តតាកែវ នាំយកអំណោយប្រគល់ជូនរដ្ឋបាលស្រុកព្រៃកប្បាស

បានផុស

៥ years មុន

នៅ

ថ្ងៃសុក្រ ២៣ មេសា ២០២១

ដោយ

នៅព្រឹកថ្ងៃទី២៣ ខែមេសា ឆ្នាំ២០២១ បានចាត់ឲ្យលោក អេង ប៉ជាក អនុប្រធានជាតំណាងរបស់ចលនាយុវជនកម្ពុជាក្រុម១៥៧ សាខាខេត្ត នាំយកអំណោយមួយចំនួនធំជូនដល់រដ្ឋបាលស្រុកព្រៃកប្បាស ដើម្បីប្រើប្រាស់ក្នុងតម្រូវការចំបាច់ ក្នុងយុទ្ធនាការទប់ស្កាត់ការរីករាលដាលជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការណែនាំនិងចង្អុលបង្ហាញពីលោក ម៉ឹង ពន្លក ប្រធានចលនាយុវជនកម្ពុជាក្រុម ១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ ក្នុងឱកាសនោះ លោក អេង ប៉ជាក អនុប្រធានចលនាយុវជនកម្ពុជាក្រុម១៥៧ សាខាខេត្តតាកែវ ក៏គូសបញ្ជាក់ផងដែរថា ការប្រគល់ជូននូវអំណោយដល់សាលា ស្រុកព្រៃកប្បាសថ្ងៃនេះ គឺជាការរួមចំណែកមួយផងដែរ ជាមួយអាជ្ញាធរខេត្ត ស្រុក និងរាជរដ្ឋាភិបាល ក្នុងការជួយសម្រួលទុក្ខលំបាកប្រជាពលរដ្ឋ ដែលរងផលប៉ះពាល់ជំងឺឆ្លងកូវីដ១៩ នៅសហគមន៍ ហើយជាពិសេសសម្ភារៈជាស្បៀងក៏អាចចូលរួមចំណែក ក្នុងការចែកជូនទៅដល់បងប្អូនប្រជាពលរដ្ឋរបស់យើងក្នុងមូលដ្ឋានស្រុក ដែលពួកគាត់កំពុងតែជួបបញ្ហាខ្វះខាត ក្នុងអំឡុងពេលនៃការឆ្លងរាលដាល នៃជំងឺកូវីដ១៩។

នាឱកាសនោះផងដែរ លោក អេង ប៉ជាក ក៏បានសំណូមពរទៅពលរដ្ឋគ្រប់រូបត្រូវចូលរួមអនុវត្តវិធានការសុខាភិបាល និងប្រសាសន៍ណែនាំ ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ៣កុំ ៣ការពារ ឲ្យបានខ្លាំងក្លា និងមានប្រសិទ្ធភាពខ្ពស់បំផុត ដើម្បីការពារខ្លួនជៀសឆ្ងាយ និងមិនឆ្លងជំងឺដ៏កាចសាហាវមួយនេះផងដែរ៕

អត្ថបទ៖ វីរៈ