ព័ត៌មានជាតិ
យុទ្ធនាការរត់រៃអង្គាសប្រាក់របស់ សាយ ជួយឲ្យលោកជាប់វគ្គផ្តាច់ព្រ័ត្រនៃកម្មវិធីពាន់រង្វាន់ពលរដ្ឋគំរូ Smart
ការរត់លើផ្លូវដ៏វែងឆ្ងាយ ដើម្បីការរៃអង្គាសប្រាក់សម្រាប់សង្គ្រោះអាយុជីវិតកុមារកម្ពុជា គឺជាអំពើល្អ ដែលជួយឱ្យលោក អ៊ួន បឋម ត្រូវបានជ្រើសតាំងជាបេក្ខជនមួយរូបក្នុងកម្មវិធីពានរង្វាន់ពលរដ្ឋគំរូ Smart ឆ្នាំ២០២០។
ការជ្រើសតាំងនេះបានផ្តល់ឱកាសមួយដែលជួយឱ្យលោក អ៊ួន បឋម ហៅ សាយ ឆ្លងទៅកាន់វគ្គផ្តាច់ព្រ័ត្រ ដើម្បីចូលរួមជាមួយនឹងបេក្ខជន និងបេក្ខនារី ៩នាក់ផ្សេងទៀត សម្រាប់ការទទួលបានឱកាសក្លាយជាជយលាភីជាមួយនឹងប្រាក់រង្វាន់ចំនួន ១ម៉ឺនដុល្លារ។
លោក សាយ ដែលជាតារាចម្រៀងមានឈ្មោះបោះសំឡេងមួយរូបនៅកម្ពុជា និងក្រុមការងាររបស់លោក បានបង្កើតយុទ្ធនាការមួយឈ្មោះថា “រត់ដើម្បីសប្បុរសធម៌ជាមួយ សាយ” ដែលក្នុងយុទ្ធនាការនេះលោកបានរត់ក្នុងរយៈចម្ងាយផ្លូវ ២.៤០៨ គីឡូម៉ែត្រនៅជុំវិញ ២១ខេត្តក្រុងក្នុងរយៈពេល ៩៧ថ្ងៃ ដើម្បីរៃអង្គាសប្រាក់សម្រាប់បរិច្ចាគជូនមន្ទីរពេទ្យកុមារអង្គរ។
លោក សាយ បានថ្លែងថា “គោលបំណងនៃការរត់នេះ ទី១ គឺជាការគម្រប់ខួប ៣០ឆ្នាំរបស់ខ្ញុំផ្ទាល់ដែលខ្ញុំចង់ធ្វើអំពើល្អអ្វីមួយតបស្នងសងគុណទៅដល់ប្រទេសជាតិខ្លួនឯងវិញក្នុងនាមខ្ញុំជាពលរដ្ឋខ្មែរ”។ យុទ្ធនាការដែលបានបញ្ចប់កាលពីថ្ងៃទី ១០ ខែមករា ឆ្នាំ២០២១ នេះ ប្រមូលទឹកប្រាក់បានចំនួន ៥០០.០០០ ដុល្លារ។ លោកបានបន្ថែមថា “ប្រាក់រៃអង្គាសបានទាំងអស់នេះ អាចជួយសង្គ្រោះអាយុជីវិតកុមារកម្ពុជា បានជាងមួយម៉ឺនករណី ដែលបានទទួលសេវាសម្រាកព្យាបាលនៅមន្ទីរពេទ្យកុមារអង្គរ”។
អ្នកនាង ស៊ិនកេត អរុណ ប្រធានការិយាល័យទំនាក់ទំនងសាធារណៈប្រចាំប្រទេសកម្ពុជារបស់មន្ទីរពេទ្យកុមារអង្គរ បានបង្ហាញការកោតសរសើរចំពោះការលះបង់ទាំងកម្លាំងកាយ និងកម្លាំងចិត្ត ព្រមទាំងពេលវេលា និងធនធានថវិកាផ្ទាល់ខ្លួនរបស់លោក សាយ ក៏ដូចជាការបរិច្ចាគប្រាក់តាមរយៈ “យុទ្ធនាការ ១ដុល្លារសម្រាប់កុមារកម្ពុជា” របស់ពលរដ្ឋកម្ពុជា ដែលអ្នកនាងបានចាត់ទុកថា នេះគឺជាទង្វើមួយដើម្បីជួយសង្គ្រោះអាយុជីវិតកុមារកម្ពុជានៅទូទាំងប្រទេស។ អ្នកនាងបានថ្លែងថា “វាជាព្រឹត្តិការណ៍ប្រវត្តិសាស្ត្រមួយនៅក្នុងមន្ទីរពេទ្យកុមារអង្គរ ឬអាចថា ជាព្រឹត្តិការណ៍ដ៏ធំមួយដែលមិនធ្លាប់មាននៅក្នុងប្រទេសកម្ពុជាយើង។
តាមរយៈព្រឹត្តិការណ៍នេះ យុទ្ធនាការ ១ដុល្លារសម្រាប់កុមារកម្ពុជា បានធ្វើឱ្យមន្ទីរពេទ្យកុមារអង្គរកាន់តែត្រូវបានគេស្គាល់ជាសាធារណៈនៅក្នុងប្រទេសកម្ពុជា និងក្រៅប្រទេស និងបង្ហាញឱ្យឃើញពីទឹកចិត្តដ៏សប្បុរសធម៌របស់ប្រជាជនកម្ពុជាក្នុងការចួលរួមជួយសង្គ្រោះអាយុជីវិតរបស់កុមារ ក៏ដូចជាជួយអភិវឌ្ឍសង្គមជាតិផងដែរ”។
យុទ្ធនាការ “រត់ដើម្បីសប្បុរសធម៌ជាមួយ សាយ” ទទួលបានចំណាប់អារម្មណ៍យ៉ាងខ្លាំងពីសាធារណៈជន ដែលថ្លែងអំណរ គុណដល់លោក សាយ ចំពោះទឹកចិត្តលះបង់ដ៏អស្ចារ្យរបស់លោក។ ក្នុងចំណោមសាធារណជនទាំងនោះ ក៏មាន ឌីជេ ណាណា ផងដែរ ដែលបានជ្រើសតាំងលោកសម្រាប់ពានរង្វាន់ពលរដ្ឋគំរូ Smart នេះ។
ឌីជេ ណាណា បានថ្លែងថា “ខ្ញុំសរសើរគាត់ខ្លាំង មិនមែនតែទៅលើទឹកចិត្តគាត់ទេ ព្រោះការដែលគាត់មានចិត្តល្អនៅសុខៗទៅរត់ ធ្វើបាបខ្លួនឯងដើម្បីប្រមូលលុយ ដើម្បីឲ្យកុមារ ហើយនេះជារឿងមួយ ហើយរឿងមួយទៀតគឺគាត់ធ្វើបានមែន”។
លោក សាយ បានថ្លែងទៀតថា បើសិនជាលោកក្លាយជាជយលាភី ហើយទទួលបានទឹកប្រាក់ ១ម៉ឺនដុល្លារនេះ លោកនឹងប្រើប្រាស់ទឹកប្រាក់នេះសម្រាប់គម្រោងដែលមានស្រាប់របស់លោក ដូចជាគម្រោង Let’s Do It With SAI ដែលផ្តោតលើការងារជួយសង្គម និងជំរុញទឹកចិត្តយុវជនឱ្យចូលរួមក្នុងការងារសង្គមជាដើម។
អំពើល្អទាំងនេះហើយដែលឆ្លើយតប ទៅនឹងកម្មវិធីពានរង្វាន់ពលរដ្ឋគំរូ Smart ដែលជាផ្នែកមួយនៃយុទ្ធនាការ “ឆ្ពោះទៅមុខរួមគ្នា” របស់ក្រុមហ៊ុន Smart Axiata ដែលបានចាប់ផ្តើមនៅថ្ងៃទី២៣ ខែវិច្ឆិកា ឆ្នាំ ២០២០។ កម្មវិធីនេះមានបំណងស្វែងរកពលរដ្ឋកម្ពុជាដែលបានធ្វើសកម្មភាពល្អៗក្នុងការជួយប្រទេសជាតិ អ្នកជិតខាង និងសហគមន៍របស់ខ្លួន។ ការប្រកាសជ័យលាភីរបស់កម្មវិធីពលរដ្ឋគំរូ Smart ដែលដើមឡើយគ្រោងធ្វើនៅថ្ងៃទី២៧ មីនា ឆ្នាំ២០២១ ត្រូវបានពន្យារពេល ដោយសារការរាតត្បាតជំងឺកូវីដ-១៩។ កាលបរិច្ឆេទថ្មីនឹងត្រូវជូនដំណឹងនៅពេលក្រោយ។
ដើម្បីចូលមើលវីដេអូអំពីលោក សាយ សូមចុចលើតំណភ្ជាប់ (Link) នេះ៖ https://fb.watch/57hPBKTz7d/
សម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart តាមរយៈ www.facebook.com/smartforcambodia ឬចូលទៅកាន់គេហទំព័រ www.smart.com.kh៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១២ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ