ទេសចរ​​ក្នុងស្រុក​បុកទៅ​​លេង​រមណីយដ្ឋានភ្នំសំពៅឡើង​កកស្ទះ មុនចូលឆ្នាំថ្មីមកដល់

នៅប៉ុន្មានថ្ងៃនេះមុនថ្ងៃ​ចូលឆ្នាំខ្មែរ ភ្ញៀវទេសចរក្នុងស្រុកបានសម្រុកមកលេងកម្សាន្តនៅ​រមណីយដ្ឋាន​ភ្នំសំពៅ បង្ក​ឲ្យ​មាន​ការកកស្ទះផ្លូវ​ធ្វើដំណើរ ខណះភ្ញៀវដែលអង្គុយរង់​ចាំគយគន់សត្វប្រចៀវស្ទើររកកន្លែងអង្គុយមិនបានផង។

សម្រាប់ប្រជាសហគមនៅនៅតំបន់នេះបានបង្ហាញក្តី​សប្បាយ​រីករាយ ពេល​ឃើញ​​ភ្ញៀវ​ទេសចរ​កមកកម្សាន្ត​ច្រើនស្ទើររាល់ថ្ងៃនេះ តាមរយះការលក់ដូរម្ហូបចំណី និងផលិតផលផ្សេងៗរកកម្រៃដើម្បីទ្រទ្រង់ជីវភាពប្រចាំថ្ងៃ។

បើតាមអាជ្ញាធរមូលដ្ឋានបានឲ្យ​ដឹង​ថា នៅប៉ុន្មានថ្ងៃកន្លងមកនេះមានភ្ញៀវពីជិតឆ្ងាយមកលេងច្រើនហើយប្រជា​សហគមន៍​ក៏​រកទទួលទានតាមរយះការលក់ដូរម្ហូបអាហារនំចំណី ជាពិសេសផ្លែដូងនៅតាមភូមិក៏មានការខ្វះខាត​តាមតម្រូវការភ្ញៀវស្របតាមអាកាសធាតុក្តៅផង​នោះ។

មន្ត្រីនៃមន្ទីរទេសចរណ៍ខេត្តបាត់ដំបង​បាន​ឲ្យ​ដឹង​ថា ភ្ញៀវមកពីទីជិតឆ្ងាយបានមកលេងច្រើនលើសលុបបើធៀបឆ្នាំកន្លងទៅ តាមរយះការកែច្នៃតំបន់រមនីយដ្ឋានមួយនេះកាន់តែមានភាពទាក់ទាញ បើទោះស្ថានភាពឆ្នាំនេះឡើងកម្តៅខ្លាំងក៏ចំនួនភ្ញៀវនៅតែមានកំណើន។

ក្រៅពីភ្នំសំពៅ​ក៏មានភ្ញៀវទេសចរ​មកលេងនៅតាមតំបន់ដែលមានទឹកធ្លាក់​តាមបណ្តាស្រុកមួយចំនួនលើទឹកដីខេត្តបាត់ដំបង។

ប្រភពដដែលបន្តថា ស្របតាមអាកាសធាតុក្តៅ​ មន្ទីរជំនាញក៏បានសហការជាមួយអាជ្ញាធរចុះពិនិត្យ​មើលគ្រប់ទីតាំង និងគោលដៅទៅលើសុខភាពរបស់ភ្ញៀវជាចម្បង ជាពិសេសក្មេងតូចៗនិងមនុស្សវ័យចំណាស់ ដែលមិនអាចទ្រទ្រង់និងកម្តៅ​បាន ក្រែងមានបញ្ហាណាមួយកើតឡើងដោយយថាហេតុ ហើយសង្គ្រោះឲ្យបានទាន់ពេលវេលា តាមដែលអាចធ្វើទៅបាន៕

អត្ថបទ÷សៅ សារិទ្ធ