កីឡា

លីគនារីកម្ពុជា ទើបបាន ២ សប្តាហ៍ ធ្លាយគ្រាប់បាល់ចំនួន ៧៥ គ្រាប់

បានផុស

២ ខែ មុន

នៅ

ថ្ងៃចន្ទ ៤ ឧសភា ២០២៦

ដោយ

ក្រុមបាល់ទាត់នារី ភ្នំពេញក្រោន និង ព្រះខ័នរាជស្វាយរៀង រកបាន ៦ ពិន្ទុពេញដូចគ្នាសម្រាប់ការប្រកួតលីគបាល់ទាត់នារីកម្ពុជា រដូវកាល ២០២៦ ដែលទើបដំណើរការបាន ២ សប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសប្តាហ៍ទី១ ក្រុមនារី ព្រះខ័នរាជស្វាយរៀង បានយកឈ្នះ ក្រុមនារី បឹងកេត ដោយលទ្ធផល ៦-៣ និងសប្តាហ៍ទី២ បានយកឈ្នះក្រុមនារី ណាហ្គាវើលដ៏ ដោយលទ្ធផល ៣-១។ ក្រុមនារី ព្រះខ័នរាជស្វាយរៀង ត្រូវបានកត់សំគាល់ថា ការប្រកួតនៅវគ្គទី១ ទាំងពីរប្រកួតមិនសូវបង្ហាញសមត្ថភាពខ្លាំងឡើយ។

ជាក់ស្តែងការប្រកួតសប្តាហ៍ទី១ បឹងកេត បាននាំមុខ ៣-០ ទៅហើយ ប៉ុន្តែបានវាយបករហូតដល់ ៦ គ្រាប់ ហើយការប្រកួតសប្តាហ៍ទី២ បានបញ្ចប់វគ្គទី១ដោយស្មើជាមួយ ណាហ្គាវើលដ៍ ១-១។ នៅវគ្គទី២ ពួកគេរកបាន ២ គ្រាប់ដើម្បីទទួលបានជ័យជម្នះ ៣-១។ ប្រការនេះឃើញថា ក្រុមនារី ព្រះខ័នរាជស្វាយរៀង បង្ហាញសាច់ដុំខ្លាំងនៅវគ្គទី២។

ចំណែក ក្រុមនារី ភ្នំពេញក្រោន ពិតជាមិនធម្មតាមែនដោយ ២ ប្រកួត រកបាន ៤៣ គ្រាប់។ ការប្រកួតសប្តាហ៍ទី១ ពួកគេបានយកឈ្នះ ក្រុមនារីខេត្តកំពង់ឆ្នាំង ៣០-១ និងសប្តាហ៍ទី២ បានឈ្នះ អិកស៍អូ យូណាយធីត ១៣-០។ ក្រុមការពារតំណែងជើងឯកឆ្នាំចាស់អត់បន្ធូរដៃឡើយគិតចាប់ផ្តើមវគ្គរហូតដល់ចុងវគ្គគឺព្យាយាមរកគ្រាប់បាល់រហូត។

បើនិយាយពីគ្រាប់បាល់ពីការប្រកួតទាំងពីរសប្តាហ៍ដែលមាន ៨ ប្រកួតគឺកើតមានគ្រាប់បាល់រហូត ៧៥ គ្រាប់ ក្នុងនោះសប្តាហ៍ទី១ មាន ៤៦ គ្រាប់ និងសប្តាហ៍ទី ២៩ គ្រាប់។

តារាងពិន្ទុបច្ចុប្បន្ន ក្រុមនារី ភ្នំពេញក្រោន កំពុងឈរលេខ ១ ខណៈ ក្រុមនារី ព្រះខ័នរាជស្វាយរៀង ឈរលេខ ២ ដែលមាន ៦ ពិន្ទុដូចគ្នា ហើយ ក្រុមនារីសៀមរាប និង វិសាខា មាន ៤ ពិន្ទុដូចគ្នា ស្ថិតនៅលេខ ៣ និងលេខ៤។ ណាហ្គាវើលដ៍ លេខ ៥ និង បឹងកេត លេខ ៦ មាន ១ ពិន្ទុ ដូចគ្នា ខណៈ អិកស៍អូ យូណាយធីត និង កំពង់ឆ្នាំង មិនទាន់មានពិន្ទុ៕

សប្តាហ៍ទី២