អាជ្ញាធរខេត្ត​ព្រះសីហនុ​បាន​ឃាត់ខ្លួន​ជនជាតិខ្មែរ​និង​ចិន​ជាង​៦០​នាក់​ដែល​ល្មើស​នឹង​បម្រាម​
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរខេត្ត​ព្រះសីហនុ​បាន​ឃាត់ខ្លួន​ជនជាតិខ្មែរ​និង​ចិន​ជាង​៦០​នាក់​ដែល​ល្មើស​នឹង​បម្រាម​

បានផុស

នៅ

លោក ឃាង ភារ​ម្យ អ្នកនាំពាក្យ​សាលាខេត្ត​ព្រះសីហនុ​បាន​មានប្រសាសន៍​នៅ​រសៀល​ថ្ងៃទី​៣០​មេសា​នេះ​ថា​ រហូត​មក​ដល់​ពេល​នេះ​ អាជ្ញាធរខេត្ត​ព្រះសីហនុ​បានធ្វើការ​ឃាត់ខ្លួន​ជនជាតិខ្មែរ​ចំនួន​៥៦​នាក់​និង​ជនជាតិ​ចិន​ចំនួន​៦​នាក់​ដែល​ល្មើស​ទៅនឹង​បម្រាម​របស់​រដ្ឋបាលខេត្ត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បន្ត​ថា ​ក្នុងចំណោម​អ្នក​ល្មើ​សនឹង​បម្រាម​ទាំងនោះ​ក្នុងនោះ​ល្មើស​ដោយ​គេច​ចេញពី​ប៉ុ​ស្តិ៍​ត្រួតពិនិត្យ​ច​ត្តា​ឡី​ស័ក មាន​៤៣​នាក់​ជនជាតិ​ចិន​០១​នាក់​។​ ល្មើស​មិន​អនុវត្ត​កាតព្វកិច្ច​ពាក់​ម៉ាស​មាន​ចំនួន​១៦​នាក់​ជនជាតិ​ចិន​០៣​នាក់​និង​ល្មើស​ដោយ​គេច​ចេញពី​តំបន់​បិទ​ខ្ទប់​ក្រុងព្រះសីហនុ មាន​ចំនួន​០៣​នាក់​ជនជាតិ​ចិន​០២​នាក់​។

លោក​បាន​បន្តទៀត​ថា ​អ្នក​ល្មើស​នឹង​បម្រាម​ទាំងនោះ​ មាន​អ្នកខ្លះ​ត្រូវ​រដ្ឋបាលខេត្ត​ពិន័យ​អន្តរកាល ខ្លះទៀត​កសាង​សំណុំរឿង​បញ្ជូន​ទៅ​តុលាការ​និង​អ្នក​ល្មើស​មួយ​ចំនួន​ទៀត​ត្រូវ​រៀបចំ​ឯកសារ​ស្នើសុំ​ឲ្យ​បណ្តេញ​ចេញពី​ប្រទេស​កម្ពុជា​។

លោក​ ឃាង​ ភារ​ម្យ បាន​កត់​សម្គាល់​ថា​ អ្នក​ល្មើស​ទៅ​នឹង​បម្រាម​ភាគច្រើន​បាន​ប្រើប្រាស់​មធ្យោបាយ​ម៉ូតូ​និង​រថយន្ត​សម្រាប់​ធ្វើការ​គេចខ្លួន​ពី​ខេត្ត​ព្រះសីហនុ​ចេញទៅ​ស្រុកកំណើត ទៅ​រាជធានី​ភ្នំពេញ​និង​ទៅតាម​បណ្តា​ខេត្ត​ផ្សេងៗ​ទៀត​៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services