ព័ត៌មានជាតិ

ស្ថានទូតកម្ពុជាប្រចាំនៅថៃ នាំយកអំណោយចែកជូនដល់ពលរដ្ឋខ្មែរជាង៤០ គ្រួសារ ក្នុងតំបន់ប្រៈទូណាំ ដែលជួបការខ្វះខាត បាត់បង់ការងារ

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

លោកអគ្គទីប្រឹក្សា ធុច ដាលីន តំណាងលោកឯកអគ្គរាជទូត អ៊ូក សោភ័ណ នៅថ្ងៃទី០៧ ខែឧសភា ឆ្នាំ២០២១ នេះ បាននាំយកអំណោយរបស់ស្ថានទូតជាគ្រឿងឧបភោគបរិភោគមួយចំនួន ចែកជូនដល់បងប្អូនប្រជាពលរដ្ឋខ្មែរចំនួនជាង ៤០ គ្រួសារ ក្នុងតំបន់ប្រៈទូណាំ សង្កាត់ធុងផៈយ៉ាថៃ ខណ្ឌរ៉ាតឆៈថេរី រាជធានីបាងកក ដែលជួបការខ្វះខាត បាត់បង់ការងារដោយសារតែការរាតត្បាតនៃជំងឺកូវីដ-១៩។

ដោយសារតែស្ថានភាពកូវីដ-១៩ រាតត្បាតខ្លាំង ការជួបចែកអំណោយមិនបានប្រព្រឹត្តទៅបែបឧឡារិក និងកុះករឡើយ គឺបានត្រឹមជួបតំណាងមួយចំនួនរបស់បងប្អូនទាំងនោះប៉ុណ្ណោះ ហើយនៅក្នុងឳកាសនោះ លោកអគ្គទីប្រឹក្សាក៏បានពាំនាំពាក្យសួរសុខទុក្ខពីសំណាក់ឯកឧត្តមឯកអគ្គរាជទូត ជាពិសេសពីសម្ដេចតេជោនាយករដ្ឋមន្ត្រី, លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ, និងរដ្ឋមន្ត្រីក្រសួងការងារជូនដល់បងប្អូនប្រជាពលរដ្ឋ ហើយបានអំពាវនាវឲ្យបងប្អូនប្រជាពលរដ្ឋយើង អនុវត្តឲ្យបានខ្ជាប់ខ្ជួននូវវិធានការការពារការរាតត្បាតជំងឺកូវីដ-១៩ របស់អាជ្ញាធរថៃ៕

ដោយ ៖ កោះកែវ