ព័ត៌មានជាតិ

អភិបាលខណ្ឌដូនពេញបន្តចុះបង្ក្រាបការបើកអាជីវកម្មដែលមិនស្តាប់តាមការណែនាំ

បានផុស

៥ years មុន

នៅ

ថ្ងៃសុក្រ ៤ មិថុនា ២០២១

ដោយ

ដើម្បីបញ្ចៀសការជួបជុំប្រមូលផ្ដុំគ្នាច្រើននាក់នាំឲ្យមានការចម្លងមេរោគកូវីដ-១៩ នោះ អាជ្ញាធរខណ្ឌដូនពេញនៅយប់ថ្ងៃទី០៣ ខែមិថុនា ឆ្នាំ២០២១ វេលាម៉ោង២០និង០០នាទី ដល់ម៉ោង១១និង០០នាទីយប់ លោក សុខ ពេញវុធ អភិបាលនៃគណ:អភិបាលខណ្ឌដូនពេញ បានបន្តដឹកនាំកម្លាំង គណបញ្ជាការឯកភាពរដ្ឋបាលខណ្ឌ ចុះអនុវត្តសេចក្តីសម្រេចលេខ១២១/២១ស.ស.រ របស់សាលារាជធានីភ្នំពេញដល់ម្ចាស់អាជីវកម្មក្នុងមូលដ្ឋានក្នុងសង្កាត់ ស្តីពីផ្អាកជាបណ្តោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងជំងឺកូវីដ១៩ និងការជួបជុំមនុស្សមិនឱ្យលើស១៥នាក់ចាប់ពីម៉ោងសូន្យថ្ងៃទី០៣ ខែមិថុនា រហូតដល់ថ្ងៃទី១៦ ខែមិថុនា ឆ្នាំ២០២១ ក្នុងមូលដ្ឋានខណ្ឌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរលោក សុខ ពេញវុធ អភិបាល នៃគណៈអភិបាល ខណ្ឌដូនពេញ បានបន្តចុះត្រួតពិនិត្យនូវអាជីវកម្មនិង ហាមឃាត់ ក្លឹបកម្សាន្តបារបារាំង និងអាជីវកម្មផ្សេងៗទៀតដែលល្មើសនឹងការណែនាំរបស់ក្រសួងសុខាភិបាល និងក្រសួងទេសចរណ៍ ដើម្បីចូលរួមការងារប្រយុទ្ធប្រឆាំងការរីករាលដាលនៃជំងឺកូវីដ-១៩ នៅក្នុងមូលដ្ឋាន ក៏ដូចជារក្សាបាននូវសណ្តាប់ធ្នាប់ អនាម័យ និងសោភណ្ឌភាពក្នុងរាជធានីភ្នំពេញ ៕

អត្ថបទ ៖ រស្មី