ក្រុមការងារព្រំដែនកម្ពុជា ថៃ បន្តចុះបោះបង្គោលប្រថពីវិភាគនិងនិយាមភូមិសាស្ត្រ(G.P.S )

ខេត្តបន្ទាយមានជ័យ៖ ក្រុមការងារបោះបង្គោលព្រំដែននៃគណៈកម្មាធិការកិច្ចការព្រំដែនកម្ពុជា ថៃ បានបន្តចុះបោះបង្គោលប្រថពីវិភាគនៃនិយាមភូមិសាស្ត្រ(G.P.S ) នៅខ្សែបន្ទាត់ព្រំដែនកម្ពុជា ថៃនៅភូមិសាស្ត្រខេត្តបន្ទាយមានជ័យ និង​ខេត្តស្រះកែងប្រទេសថៃ នៅព្រឹក ថ្ងៃទី១៧ ខែវិច្ឆិកា ឆ្នាំ ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអាជ្ញាធរដែនដី កងកម្លាំងនគរបាលវរការពារព្រំដែនគោកនៅខេត្តបន្ទាយមានជ័យប្រាប់អ្នកយកព័ត៍មានឲ្យដឹងថា ក្រុមការងារទាំង២នេះត្រូវបំពេញការងាររួមគ្នាយ៉ាងតិច៦ខែ ចាប់ពីខែវិច្ឆិកាឆ្នាំ ២០២០ តទៅ។ នៅ​ថ្ងៃទី១៧ ខែវិច្ឆិកា ឆ្នាំ ២០២០ ក្រុម​ការងារ​បាន​ទៅ​ពិនិត្យគោលដៅភូមិសាស្ត្រស្រុកថ្មពួក ឈមមុខនឹងស្រុកតាប្រាយ៉ា ដោយបោះបង្គោលប្រថពីវិភាគនៃនិយាមភូមិសាស្ត្រ(G.P.S ) បានចំនួន៤បង្គោលគឺនៅបង្គោលព្រំដែនលេខ 37-38-39និងលេខ40 ក្នុងភូមិសាស្ដ្រប៉ុស្ដិ៍ភ្នំប្រាក់ ស្ថិតក្នុងភូមិក្ដិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ ឈមគ្នានឹងឃុំតាប្រាយ៉ាស្រុកតាប្រាយ៉ា ខេត្តស្រះកែវ ៕

អត្ថបទ៖ វ៉ាន់ ណាង