ព័ត៌មានជាតិ

ប្រធានសមាគមអតីតយុទ្ធជនកម្ពុជាខេត្តកំពង់ធំ អញ្ជើញសាកសួរសុខទុក្ខអតីតយុទ្ធជន រស់នៅលើដីសម្បទានសង្គមកិច្ចឃុំក្រយា

បានផុស

២ years មុន

នៅ

ថ្ងៃពុធ ១៦ មិថុនា ២០២១

ដោយ

ឧត្តមសេនីយ៍ទោសោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ បានអញ្ជើញចុះសាកសួរសុខទុក្ខអតីតយុទ្ធជន ដែលកំពុងតែរស់នៅលើដីសម្បទានសង្គមកិច្ចឃុំក្រយា ដែលជាទីតាំងអំណោយរបស់ប្រមុខរាជរដ្ឋាភិបាល ជូនគ្រួសារអតីតយុទ្ធជន ១៤០គ្រួសារ ដែលមានជីវភាពលំបាកខ្វះខាត គ្មានលទ្ធភាពសាងសង់លំនៅឋាន នៅព្រឹកថ្ងៃទី១៦ ខែមិថុនា ឆ្នាំ២០២១ ឃុំក្រយា ស្រុកសន្ទុក ខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះដោយមានការអញ្ជើញចូលរួម ពីសំណាក់ថ្នាក់ដឹកនាំ គណកម្មាធិការសមាគមអតីតយុទ្ធជនកម្ពុជា ខេត្តកំពង់ធំ និងគណកម្មការសមាគមស្រុកក្រុង ក្នុងគោលបំណងសិក្សាស្វែងយល់ ពីជីវភាពរស់នៅលើដីសម្បទានសង្គមកិច្ច ដែលជាការយកចិត្តទុកដាក់របស់ របស់សម្ដេចតេជោហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។

ឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ដែលបានគិតគូរពីសុខទុក្ខនិងជីវភាពរស់នៅរបស់បងប្អូនគ្រប់ពេលវេលា និងសុំឲ្យបងប្អូនត្រូវខិតខំថែរក្សា សុខភាពឲ្យជៀសផុតពីជំងឺកូវីដ១៩ ដោយត្រូវអនុវត្តនូវវិធានការនានារបស់ក្រសួងសុខាភិបាល ពិសេសវិធានការ៣ កុំ និង ៣ការពាររបស់សម្ដេចតេជោ ហ៊ុន ទោះបីជាបានចាក់វ៉ាក់សាំងការពារជំងឺកូវីដ១៩រួចហើយក្តី។

បងប្អូនអតីតយុទ្ធជន គោរពថ្លែងអំណរគុណ សម្ដេចតេជោនិងសម្ដេចកិត្តិព្រឹទ្ធបណ្ឌិតដែលបានផ្ដល់ផ្ទះថ្មី និងដីសម្រាប់ឱ្យពួកគាត់បានរស់នៅ បង្កបង្កើនផលកសាងជីវភាពគ្រួសារ និងចូលរួមក្នុងការអភិវឌ្ឍន៍សង្គមជាតិ ក្នុងនោះក៏មានការសំណូមពរស្ថាប័នពាក់ព័ន្ធ ដើម្បីសម្រួលដល់ការរស់នៅ ទី១ ជំរុញកសាងផ្លូវលំប្រវែង១២ គ.ម អំណោយសម្ដេចតេជោ ឲ្យបានឆាប់រហ័ស ព្រោះបច្ចុប្បន្នមានការលំបាកក្នុងការធ្វើដំណើរ ទី២ សូមមេត្តាជួយសាងសង់អណ្ដូងទឹក សម្រាប់ប្រើប្រាស់ក្នុងជីវភាពប្រចាំថ្ងៃ ទី៣ជួយដោះស្រាយបន្ទះសូឡាប្រើប្រាស់ពន្លឺព្រះអាទិត្យ ដើម្បីប្រើប្រាស់ភ្លើង ព្រោះនៅទីនេះមិនទាន់មានបណ្ដាញអគ្គិសនី ។

ប្រធានសមាគមអតីតយុទ្ធជនកម្ពុជាខេត្តកំពង់ធំ បានសំណូមពរដល់បងប្អូនទាំងអស់ ត្រូវខិតខំកសាងកែលម្អជីវភាពរស់នៅដោយត្រូវដំណាំបន្លែបង្ការផ្សេងៗ និងចិញ្ចឹមសត្វ ដើម្បីដោះស្រាយជីវភាពគ្រួសារឲ្យបានល្អប្រសើរ និងត្រូវគោរពតាមការដឹកនាំ និងណែនាំរបស់អាជ្ញាធរដែនដីគ្រប់លំដាប់ថ្នាក់៕

អត្ថបទ៖ ប៊ុន រដ្ឋា