កម្ពុជា គ្រោង​បើក​ទ្វារ​ទទួល​ភ្ញៀវ​ទេសចរ​ចាក់​វ៉ាក់សាំង​កូវីដ-១៩ នៅ​ត្រីមាស​ទី ៤ ឆ្នាំ​នេះ
Connect with us
Helistar Cambodia - Helicopter Charter Services

ព័ត៌មានជាតិ

កម្ពុជា គ្រោង​បើក​ទ្វារ​ទទួល​ភ្ញៀវ​ទេសចរ​ចាក់​វ៉ាក់សាំង​កូវីដ-១៩ នៅ​ត្រីមាស​ទី ៤ ឆ្នាំ​នេះ

បានផុស

នៅ

ភ្នំពេញ៖ កម្ពុជា​មានគម្រោងនឹងបើកទទួលភ្ញៀវទេសចរ​ដែលបានចាក់វ៉ាក់សាំង​រួចនៅត្រីមាសទី ៤ ឆ្នាំ​ ២០២១ ​។​ នេះបើតាមការ​គូសបញ្ជាក់​របស់លោក ​ជុក ជំនោរ ​អ្នក នាំពាក្យក្រសួងទេសចរណ៍​ប្រាប់អ្នកសារព័ត៌មាននៅថ្ងៃនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារក្រសួងទេសចរណ៍ដឹកនាំដោយលោក សុខ សង្វារ អនុរដ្ឋលេខាធិការក្រសួងទេសចរណ៍និងក្រុមការងារក្រសួងសុខាភិបាលដឹកនាំដោយលោក ឈី ហុងអនុ រដ្ឋលេខាក្រសួងសុខាភិបាលបានជួបពិភាក្សាគ្នាបន្តអំពីការកែសម្រួលឯកសារទស្សនាទានកញ្ចប់ទស្សនកិច្ចទេសចរណ៍វ៉ាក់សាំងកូវីដ-១៩ នាដើមសប្តាហ៍នេះ ។ នេះជា​ លើកទី២ហើយដែលអ្នកជំនាញនៃក្រសួងទាំងពីរកែសម្រួលជាមួយគ្នាដើម្បីជំរុញឲ្យឯកសារនេះមានភាពល្អប្រសើរឡើង។

លោក ​ជុក ជំនោរ ​អ្នកនាំពាក្យក្រសួងទេសចរណ៍បានមានប្រសាសន៍ឲ្យដឹងថា៖«​ចេញពីកិច្ចពិភាក្សារវាងក្រសួងទេសចរណ៍និងក្រសួងសុខាភិបាល ក្រុមការងារជំនាញ ក្រសួងទេសចរណ៍នឹងយកនូវអ្វីដែលជាវិធានការសុវត្តិភាពរបស់ក្រសួងសុខាភិបាលនិងធាតុចូលសំខាន់ៗ មករៀបចំជាជាឯកសារទស្សនទានដើម្បីដាក់ចូលទៅអន្តរ ក្រសួងប្រយុទ្ធប្រឈងកូវីដ១៩ ដើម្បីពិភាក្សានូវស្នើសុំសេចក្ដីសម្រេចទៅប្រមុខរាជរដ្ឋាភិបាលទៅតាមស្ថានភាពជាក់ស្ដែង» ។

លោក ​ជុក ជំនោរ បានបន្តថាជាមួយស្ថានភាពបច្ចុប្បន្ននេះមិនថាកម្ពុជាទេពិភពលោកទាំងមូលលំបាកនឹងនិយាយឲ្យចំថាតើត្រីមាសទី៤នៅពេលណា?ខែណា?។ប៉ុន្តែ បច្ចុប្បន្នយើងគួរគិតជាទស្សនទានទាំងអស់គ្នាថាយើងព្យាយាមទាំងអស់គ្នាក្នុងការរៀបចំឯកសារឲ្យគ្រប់ជ្រុងជ្រោយទាំងវិធានសុវត្តិភាពរបស់ក្រសួងសុខាភិបាលនិងវិធានការរបស់ក្រសួងទេសចរណ៍ជាមួយនឹងការវិវត្តនៃជំងឺកូវីដ១៩​នេះ ។ ដូច្នេះក្នុងអំឡុងពេលត្រីមាសទីបួនអាចនិយាយបានថាវាចាប់ពីខែ១០ ខែ១១និង ខែ១២ដែលក្នុង អំឡុងនេះបើស្ថានភាពអំណោយផលហើយការគ្រប់គ្រងកូវីដ ១៩ ក្នុងពិភពលោកគ្រប់គ្រងបានកាន់តែល្អប្រសើរដំណើរការចាក់សាំងកាន់តែរលូនទៅមុខកម្ពុជាអាចបិទ បញ្ចប់នូវព្រឹត្តិការណ៍សហគមន៍ ២០ កុម្ភៈ ឆាប់ដូច្នេះលទ្ធភាពបើកទទួលទេសចរណ៍នៅត្រីទីមាសទី ៤ អាចមានលទ្ធភាពច្រើន ។

លោក​ ជុក ជំនោរ បានបន្តថាទោះបីយ៉ាងណាក៏ដោយឯកសារទស្សនាទាននេះទាមទារការពិនិត្យនិងសម្រេចពីគណៈកម្មការអន្តរក្រសួងប្រយុទ្ធប្រឆាំងនឹងកូវីដ-១៩មុន នឹងស្នើការអនុម័តចុងក្រោយពីប្រមុខរាជរដ្ឋាភិបាលលើឯកសារនេះ។លោកបានបន្តថាយើងមានសង្ឃឹមថានឹងទទួលភ្ញៀវទេសចរណ៍ដែលបានចាក់សាំងហើយពីបណ្ដា ទីផ្សារនិងបណ្ដាប្រទេសដែលមានហានិភ័យទាបដែលកិច្ចការទាំងអស់នេះក្រុមការងារជំនាញក្រសួងទេសចរណ៍ត្រូវធ្វើការពិភាក្សាជាមួយទីផ្សារទាំងអស់នោះដើម្បីវាយតម្លៃអំពីទីផ្សារទេសចរណ៍ណាដែលមានហានិភ័យទាប ឬ ប្រទេសដែលមានការឆ្លងកូវីដ១៩ កម្រិតទាប ។

ឯកសារទស្សនាទានកញ្ចប់ទស្សនកិច្ចទេសចរណ៍វ៉ាក់សាំងកូវីដ-១៩ជាឯកសារគោលដែលក្រសួងទេសចរណ៍កំពុងរៀបចំឡើងដើម្បីបើកទទួលភ្ញៀវទេសចរអន្តរជាតិដែ លបានចាក់វ៉ាក់សាំងហើយ ។ កិច្ចពិភាក្សារវាងក្រុមជំនាញនៃក្រសួងទេសចរណ៍និងក្រសួងសុខាភិបាលគឺដើម្បីប្រាកដថាឯកសារនេះមានភាពគ្រប់ជ្រុងជ្រោយក្នុងការធា នានូវសុវត្ថិភាពទេសចរនិងប្រជាពលរដ្ឋពីការរីករាលដាលនៃជំងឺកូវីដ-១៩ តាមរយៈការបើកឲ្យមានទេសចរណ៍ឡើងវិញ។ការរៀបចំឯកសារបើកទេសចរណ៍វ៉ាក់សាំងនេះ គឺឆ្លើយតបទៅនឹងផែនទីចង្អុលផ្លូវស្តីពីការស្តារនិងលើកស្ទួយវិស័យទេសចរណ៍កម្ពុជាឆ្នាំ២០២០-២០២៥ដែលប្រមុខរាជរដ្ឋាភិបាលទើបតែអនុម័តនាពេលថ្មីៗកន្លងទៅ នេះ។

គួររម្លឹកជូនថាកាល២០២០កន្លងទៅកម្ពុជាទទួលបានភ្ញៀវទេសចរអន្តរជាតិប្រមាណតែ ១,៣១ លាននាក់ប៉ុ​ណ្ណោះ​គឺបានថយចុះប្រមាណ៨០%បើធៀបនឹងឆ្នាំ២០១៩។ ការធ្លាក់ចុះនៃចំនួនភ្ញៀវទេសចរអន្តរជាតិនេះបានធ្វើឱ្យឧស្សាហកម្មទេសចរណ៍កម្ពុជាបាត់បង់ចំណូលជាង៣០០០លានដុល្លារ ៕

​ដោយ៖​ បាន វិបុល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៧ ម៉ោង មុន

អ្នក​ប្រដាល់សកល​ជើង​ខ្លាំង​ប៉ះ​គ្នា​ថ្ងៃអាទិត្យ​នេះ លើ​សង្វៀន Boxing Ultimate Boxing Championship

កូវីដ-១៩៨ ម៉ោង មុន

វត្ត​គល់​ទទឹង​ យក​សំណាក​ព្រះសង្ឃ​ និង​ ពុទ្ធ​បរិ​ស័ទ​៣៥៥​អង្គ​នាក់​ រក​ឃើញ​២​អង្គ​នាក់​ឆ្លង​កូ​វីដ

ព័ត៌មានជាតិ៨ ម៉ោង មុន

កាកបាទក្រហមកម្ពុជា ប្រគល់ ផ្ទះ​២ ខ្នង​ជូន​ប្រ ជា​ពលរដ្ឋ​២​គ្រួសារ​ដែល​រងគ្រោះ​ដោយ​ភ្លើង​ឆេះ​ផ្ទះ នៅក្នុង​ខ្សាច់​ស ឃុំ​ក្រាំង​ល្វា ស្រុក​សាមគ្គី​មានជ័យ

កូវីដ-១៩៩ ម៉ោង មុន

ខេត្តកំពង់ឆ្នាំង​រក​ឃើញ​វិជ្ជមាន កូ​វីដ​១៩​ថ្មី ៦៥​នាក់​និង​មាន​អ្នក​ស្លាប់​ថ្មី​ម្នាក់ នៅក្នុង​ថ្ងៃទី​២៣

ព័ត៌មានជាតិ៩ ម៉ោង មុន

ប្រធាន​មន្ទីរ​សាធារណការ​ខេត្តព្រះវិហារ​ ណែនាំ​ឲ្យ​ការសាងសង់​ស្ថានីយ​ជញ្ជីង​អចល័ត អូរ​ពោធិ៍​-​ខេត្តព្រះវិហារ ស្របតាម​គំនូស​ប្លង់ តាម​បទដ្ឋាន​បច្ចេកទេស

Sokha Hotels

ព័ត៌មានពេញនិយម

Helistar Cambodia - Helicopter Charter Services