ថៃប្រគល់ពលករ ៩នាក់លបឆ្លងដែនខុសច្បាប់ ឱ្យប៉ូលិសព្រំដែនកម្ពុជា

ខេត្តបាត់ដំបង៖ ពលករខ្មែរចំនួន១០នាក់ក្នុងនោះមានស្រី៥នាក់ ត្រូវបានទាហានឈុតខ្មៅថៃ ដែលឈរជើងតាមបន្ទាត់ព្រំដែន ធ្វើការទំនាក់ទំនង និងប្រគល់មកឱ្យប៉ូលិសការពារព្រំដែនរបស់កម្ពុជាវិញ បន្ទាប់ពីបានឃាត់ខ្លួន ខណៈពួកគេលបឆ្លងដែនទៅរកការងារនៅក្នុងប្រទេសថៃដោយខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រគល់ពលករទាំងអស់នេះ គឺបានធ្វើឡើងនៅក្បែរច្រកអន្តរជាតិ បានផាក់កាត ច្រកអន្តរជាតិព្រំ ដោយភាគីថៃបានអះអាងថា ពលករទាំងនេះបានឆ្លងដែនត្រង់ចំណុចលូដាច់ ក្នុងឃុំស្ទឹងកាច់ ស្រុកសាលាក្រៅ ខេត្តប៉ៃលិន ហើយចូលទៅក្នុងទឹកដីថៃត្រង់ចំណុចភូមិ៤ ឃុំខ្លងយ៉ៃ ស្រុកពោងណាំរ៉ន ខេត្តច័ន្ទបុរី។

មុននឹងប្រគល់ពលករទាំងនោះមកឱ្យកម្ពុជាវិញ ទាហានថៃបានត្រួតពិនិត្យកម្តៅ ព្រមទាំងបានឱ្យបាយកញ្ចប់បរិភោគសិនដែរ ដោយភាគីថៃបានផ្តោតទៅលើការពង្រឹងតាមខ្សែបន្ទាត់ព្រំដែនរវាងភាគីទាំងពី នៅក្នុងដំណាក់កាល ការទប់ស្កាត់ការឆ្លងរីករាលដាល នៃជំងឺកូវីដ-១៩ទាំងអស់គ្នា៕

អត្ថបទ៖ សោ និយមរ័ត្ន