ព័ត៌មានជាតិ
ជក់ថ្នាំញៀនឡើងវង្វេង ដេញកាប់អ្នកភូមិកំពុងជុំគ្នាធ្វើនំបញ្ចុក ត្រូវស្រ្តីម្នាក់របួសពេញខ្លួន
ខេត្តបន្ទាយមានជ័យ៖ ស្ត្រីម្នាក់កំពុងអង្គុយធ្វើទឹកនំបញ្ចុក ត្រូវជនបែកថ្នាំយកកាំបិតខ្វែវដេញកាប់ជាច្រើនកាំបិតរងរបួសធ្ងន់។ ហេតុការណ៍កើតឡើងនៅវេលាម៉ោង៣និង៣៥នាទីរសៀលថ្ងៃទី ៣ ខែកក្កដា ឆ្នាំ២០២១ នៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ។
នគរបាលស្រុកថ្មពួកបានប្រាប់ឲ្យដឹងថា ជនរងគ្រោះឈ្មោះហឿង សៃនាវ ភេទស្រីអាយុ៥៨ឆ្នាំ នៅភូមិថ្មពួក ឃុំថ្មពួក ខេត្តបន្ទាយមានជ័យ។ ចំណែកជនដៃដល់ឈ្មោះស្វឿង ប៉ុង ភេទប្រុស អាយុ៣៥ឆ្នាំ រស់នៅភូមិថ្មពួក ឃុំថ្មពួក ស្រុកថ្មពួក ជាជនញៀនថ្នាំឡើងបែក។
នគរបាលបានបញ្ជាក់ថា នៅមុនពេលកើតហេតុ ជនរងគ្រោះកំពុងអង្គុយធ្វើទឹកនំបញ្ជុកហូបជាលក្ខណៈគ្រួសារ ជាមួយបងប្អូនក្នុងភូមិ៥នាក់នៅក្រោមផ្ទះ ស្របពេលនោះជនដៃដល់ឈ្មោះស្វឿង ប៉ុង ជាមនុស្សញៀនថ្នាំ បានកាន់កាំបិតខ្វែវដើរតម្រង់ចូលមកកាប់អ្នកភូមិដោយពុំដឹងមូលហេតុ។ ដោយឃើញសកម្មភាពរបស់ជនដៃដល់ដូចជាសាហាវពេក ក្រុមអ្នកភូមិក៏នាំគ្នារត់ ហើយជនបែកថ្នាំនោះនៅបន្តដេញតាមកាប់ ស្របពេលនោះជនរងគ្រោះជំពប់ដុំថ្មដួល ត្រូវជនល្មើសតាមទាន់ក៏កាប់ជាច្រើនកាំបិត ត្រូវចំជើងទាំងសងខាង ដៃទាំងសងខាង និងដងខ្លួន រងរបួសធ្ងន់ ត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យបង្អែកស្រុកថ្មពួក តែដោយរបួសធ្ងន់ធ្ងរពេក បានបញ្ជូនបន្តទៅមន្ទីរពេទ្យបង្អែកខេត្ត មិត្តភាពកម្ពុជា-ជប៉ុន នៅស្រុកមង្គលបូរី។
ចំណែកជនល្មើស ក្រោយពីធ្វើសកម្មភាពរួចបានរត់គេចខ្លួន ដោយយកកាំបិតខ្វែវទៅជាមួយនៅពេលនេះកម្លាំងនគរបាលប៉ុស្តិ៍និងកម្លាំងនគរបាលជំនាញ នៃអធិការដ្ឋាននគរបាលស្រុកថ្មពួកតាមដេញចាប់បានភ្លានៗ យកមកផ្តន្ទាទោសតាមច្បាប់ហើយ ៕
អត្ថបទ៖ វ៉ាន់ ណាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង