ព័ត៌មានជាតិ

ពលរដ្ឋសុំឱ្យអាជ្ញាធរ ពិនិត្យមើលផ្លូវមួយខ្សែនៅកណ្ដាលក្រុងបាត់ដំបងរងការខូចខាត

បានផុស

៥ years មុន

នៅ

ថ្ងៃអាទិត្យ ១១ កក្កដា ២០២១

ដោយ

ប្រជាពលរដ្ឋក្នុងក្រុងបាត់ដំបង ស្នើទៅអាជ្ញាធរ និងមន្ទីរពាក់ព័ន្ធ ឱ្យជួយពិនិត្យមើលផ្លូវមួយខ្សែ ស្ថិតនៅចំកណ្ដាលក្រុងបាត់ដំបង បានរងនូវការខូចខាតយ៉ាងដំណំ ធ្វើឱ្យលំបាកក្នុងការធ្វើដំណើររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវមួយខ្សែនេះគឺជាផ្លូវលេខ ១៣៩ ស្ថិតនៅក្បែរបងសាលាចិន ក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដោយកំពុងរងនូវការខូចខាតប្រវែងប្រមាណ ជាង១០០ ម៉ែត្រ។

ពលរដ្ឋដែលរស់នៅក្នុងតំបន់នេះបានត្អូញត្អែថា មានការពិបាកយ៉ាងខ្លាំងក្នុងការធ្វើដំណើរ កុំថារដូវភ្លៀងដែលមានទឹកពេញៗក្នុងជង្ហុក ទោះបីជាខែប្រាំងក៏ដោយក៏នៅតែពិបាកធ្វើដំណើរដូចគ្នា ព្រោះដោយសារជង្ហុកវាធំៗពេក កន្លែងខ្លះសឹងតែកាត់ទទឹងផ្លូវអស់ទៅហើយបើទោះបីជារកកន្លែងវាងក៏ទៅមិនរួចដែរ។

ពួកគាត់បានស្នើសុំអោយអាជ្ញាធរក្រុង ឬក៏មន្ទីរពាក់ព័ន្ធមេត្តាជួយពិនិត្យមើលត្រចំណុចនេះផង ដើម្បីអោយការធ្វើចរាចរណ៍យប់ ថ្ងៃរបស់ពួកគាត់បានស្រួលផង៕ ដោយ: សោ និយមរ័ត្ន

Related Topics:ខូចផ្លូវ