ព័ត៌មានជាតិ
ចុះទិញទុរេនមួយភ្លែត ជនសង្ស័យជិះកង់មកលួចយកកាបូបអស់ខ្សែ.ក មាស និង ប្លាទីន ៣ តម្លឹង
កម្លាំងនគរបាលខណ្ឌច្បារអំពៅ ឃាត់ខ្លួនជនសង្ស័យម្នាក់ ក្នុងចំណោមបក្ខពួកពីរនាក់ ក្រោយធ្វើសកម្មភាពបើកទា្វររថយន្ដលួចយកកាបូបលុយ ខណៈដែលម្ចាស់ចុះទៅទិញផ្លែទុរេនមិនបានចាក់សោទ្វាររថយន្ដ។
សមត្ថកិច្ចបានឲ្យដឹងថា ករណីនេះបានកើតឡើងនៅចំណុចស្ថានីយប្រេងឥន្ទនៈ CalTex ផ្លូវជាតិលេខ១ ភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ កាលពីថ្ងៃទី១៤ ខែកក្កដា ឆ្នាំ២០២១ ម៉ោង១៣និង០០នាទី។
តាមរបាយការណ៍បានបញ្ជាក់ថា ជនរងគ្រោះឈ្មោះ ជា សុខជាតិ ភេទប្រុស អាយុ៤៥ឆ្នាំ ជនជាតិខ្មែរ មុខរបរកសិករ ស្នាក់នៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល។ ចំណែកជនសង្ស័យឃាត់ខ្លួនឈ្មោះ ហែម សុងហេង ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិតាងៅ សង្កាត់ និរោធ ខណ្ឌច្បារអំពៅ។
របាយការណ៍បានបញ្ជាក់ថា មុនពេលកើតហេតុជនរងគ្រោះ និងប្រពន្ធបើករថយន្តម៉ាក Lexus RX-៣០០ ពណ៌ទឹកមាស ពាក់ស្លាកលេខ ភ្នំពេញ ២AH-៤៩៤៥ ទុកនៅក្នុងស្ថានីយ៍ប្រេងឥន្ទនៈ CalTex (ចំណុចកើតហេតុ) ដោយពុំបានចាក់សោទ្វាររថយន្តទេ រួចនាំគ្នាទៅទិញផ្លែទុរេននៅក្បែរនោះ ស្រាប់តែមានជនសង្ស័យ០២នាក់ ឈ្មោះ ហែម សុងហេង និងឈ្មោះរុក ជិះកង់០១គ្រឿង ពណ៌ទឹកប្រាក់មកឈប់ក្បែរ រួចនាំគ្នាបើកទ្វាររថយន្តលួចយកកាបូបជនរងគ្រោះទៅបាត់។
ជនរងគ្រោះបានប្រាប់ថា ក្នុងកាបូបដែលបាត់មាន ខ្សែកមាស១ខ្សែ មានបណ្តោងរូបផ្កា ទម្ងន់២តម្លឹង, ខ្សែកប្លាទីន១ខ្សែ មានបណ្តោងរូបមាន់ ទម្ងន់១តម្លឹង, លុយខ្មែរ ១,៣៥០,០០០រៀល, អត្តសញ្ញាណបណ្ណសញ្ជាតិខ្មែរ ០១សន្លឹក (ឈ្មោះស៊ុន សុគន្ធា) និងទូរ ស័ព្ទដៃ០១គ្រឿង ម៉ាក Samsung Note-៨ ពណ៌ខ្មៅ លេខស៊ីម ០៧០ ៦៦១៦១៦ ។
សមត្ថកិច្ចបានបន្ថែមថា លុះដល់ម៉ោង១៧និង៣០នាទី ថ្ងៃដដែល កម្លាំងបានឃាត់ខ្លួនបានជនសង្ស័យម្នាក់ឈ្មោះ ហែម សុងហេង នៅភូមិដើមស្លែង សង្កាត់ច្បារអំពៅ២ ដកហូតបានវត្ថុតាង កង់០១គ្រឿង (ជិះធ្វើសកម្មភាព) និងខ្សែកចំនួន២ខ្សែ (របស់ជនរងគ្រោះ) បញ្ជូនមកអធិការដ្ឋាននគរ បាលខណ្ឌច្បារអំពៅចាត់ការតាមច្បាប់៕
អត្ថបទ ៖ សុខុម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»