លោក វង សូត ចុះផ្សព្វផ្សាយសេចក្ដីសម្រេចស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណតិ្តទី៥

លោក វង សូត ប្រធានក្រុមការងារចុះជួយមូលដ្ឋានស្រុកពញាក្រែក និងឃុំជាច និងលោក ស៊ាក ឡេង ប្រធានគណៈកម្មាធិការគណបក្សខេត្តត្បូងឃ្មុំ បានបើក កិច្ចប្រជុំផ្សព្វផ្សាយផែនការខេត្តឆ្ពោះទៅការបោះឆ្នោតក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ និងការបង្កើតគណៈបញ្ជាការយុទ្ធនាការបោះឆ្នោតរបស់ គណៈកម្មាធិការគណបក្សខេត្ត ថ្មីៗនេះនៅស្នាក់ការគណបក្សប្រជាជនកម្ពុជាស្រុកពញាក្រែក ខេត្តត្បូងឃ្មុំ ។

លោកប្រធានគណៈអធិបតី រំលឹកជូនអង្គប្រជុំដោយសង្ខេបអំពីជ័យជំនះនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ដែលស្រុកពញាក្រែក ទទួលបានកាលពីឆ្នាំ២០១៧ អាណត្តិទី៤។

លោកបន្ថែមថា ដើម្បីរក្សាបាននូវភាពជោគជ័យនេះ ឯកឧត្តម បានក្រើនរំលឹក និងលើកយកមកបង្ហាញជូនសមាជិក សមាជិកាអំពីចំណុចខ្លាំង ត្រូវរក្សាទុក និងត្រូវប្រតិបត្តិឲ្យកាន់តែល្អប្រសើរជាបន្តបន្ទាប់ស្របតាមស្ថានការជាក់ស្តែង និងភាពចាំបាច់ដោយឡែកចំណុចខ្សោយវិញ ត្រូវសិក្សាស្វែងយល់ឲ្យបានស៊ីជម្រៅ ពិនិត្យនិងកែលម្អឲ្យបានល្អប្រសើរ។ ចំពោះផែនការសកម្មភាពដែលត្រូវអនុវត្តដើម្បីឈានទៅសម្រេចឲ្យបានជោគជ័យនាឆ្នាំ២០២២។

ក្រោយចប់កម្មវិធី លោកវង សូត ប្រធានក្រុមការងារចុះមូលដ្ឋានស្រុកពញាក្រែក ក៏បានឧបត្ថម្ភគណៈកម្មាធិការគណបក្សស្រុក និងឃុំទាំង៨ នូវឧបករណ៍ប្រជុំតាមអនឡាញ ផងដែរ៕

អត្ថបទ ៖ វិមាន