ព័ត៌មានជាតិ
ផ្ទះកូនកំលោះ កូនក្រមុំជនជាតិភាគតិចពីបុរាណត្រូវបានបាត់បង់ជាបណ្តើរៗ
ផ្ទះកូនកំលោះ កូនក្រមុំរបស់ជនជាតិភាគតិចពីបុរាណបានក្លាយជាទំនៀមទម្លាប់មួយដែលបានបន្សល់ទុកឱ្យមនុស្សជំនាន់ក្រោយបានឃើញបានយល់តិចតួចបំផុត ដោយសារប្រទេសជាតិមានការវិឌ្ឍន៍ ជឿនលឿនទៅមុខ ដែលធ្វើឱ្យបងប្អូនជនជាតិភាគតិចប្រែក្លាយលែងមានការសាងសង់ផ្ទះកូនកំលោះ កូនក្រមុំទៀតមកសាងសង់ជាផ្ទះថ្មផ្ទះឈើស្កឹមស្កៃទៅវិញ។
លោក សំអឿន មន្ត្រីខេត្តរតនគិរី បានឱ្យដឹងទៀតថា ផ្ទះបុរាណ ឬផ្ទះប្រពៃណីជនជាតិភាគតិចនេះកសាងឡើងពីឈើសសរចំនួន៦ដើម ជាឈើសុក្រុំ ឬឈើត្រាវដែលមានកម្ពស់ជាង៣ម៉ែត្រដោយប្រក់ដំបូល និងគៀបជញ្ជាំងពីស្លឹកខាត់ម៉ា គៀបជាមួយឫស្សីដែលមានអាយុកាលបាន៣ឆ្នាំ។ ស្លឹកខាត់ម៉ានេះអាចរកបាននៅក្នុងតំបន់ខេត្តរតនគិរីនេះតែម្តង។
តាមការលើកឡើងរបស់លោក សំអឿន បានឱ្យដឹងបន្ថែមទៀតថា ផ្ទះកូនកំលោះរបស់ជនជាតិភាគតិចត្រូវមានកម្ពស់ជាង៣ម៉ែត្រ ចំណែកផ្ទះកូនក្រមុំមានកម្ពស់១ម៉ែត្រកន្លះ ហើយនេះជាផ្ទះបុរាណកាលតៗគ្នា។
លោក សំអឿន បានមានប្រសាសន៍ថា៖ “រហូតមកដល់បច្ចុប្បន្ន ផ្ទះទាំងនេះត្រូវបានបាត់រូបរាងអស់ទៅហើយក៏ដោយសារការវិឌ្ឍន៍របស់ប្រទេសជាតិបានប្រែក្លាយបងប្អូនយើងបត់បែនធ្វើផ្ទះថ្ម និងផ្ទះឈើរស់នៅយ៉ាងកក់ក្តៅទៅវិញ។ ផ្ទះបុរាណកូនកំលោះ កូនក្រមុំរបស់ជនជាតិភាគតិចនៅតែឃើញមាននៅតាមរមណីយដ្ឋានធំៗប៉ុណ្ណោះ”។
លោក សំអឿន បានបញ្ជាក់ថា បើមានអ្នកចង់បាន និងចង់សាងសង់ផ្ទះបុរាណនេះក្នុងខេត្តរតនៈគិរី គឺអាចកម៉្មង់បាន ដោយមានអ្នកភូមិអាចធ្វើបានយ៉ាងល្អ៕
អត្ថបទ៖ កញ្ញា វ៉ាត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ