ព័ត៌មានជាតិ

ទីបញ្ជាការតំបន់ប្រតិបត្តិការសឹករងសៀមរាប ធ្វើតេស្តរហ័សរកជំងឺកូវីដជូនដល់យោធិន

បានផុស

៥ years មុន

នៅ

ថ្ងៃពុធ ២១ កក្កដា ២០២១

ដោយ

នៅព្រឹកថ្ងៃទី២១ ខែកក្កដា ឆ្នាំ២០២១ លោកឧត្តមសេនីយ៍ទោ ស៊ិន ភាត់ មេបញ្ជាការតំបន់ប្រតិបត្តិការសឹករងសៀមរាប បានដឹកនាំក្រុមគ្រូពេទ្យធ្វើតេស្តរហ័សរកជំងឺកូវីដ-១៩ ដល់នាយទាហាន នាយទាហានរង និងពលទាហាន ក្នុងទីបញ្ជាការ តំបន់ប្រតិបត្តិការសឹករងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមេបញ្ជាការ បានគូសបញ្ជាក់ថា ក្នុងយុទ្ធនាការធ្វើតេស្តរហ័សនេះ ដើម្បីទប់ស្កាត់ការចម្លងចូលមកក្នុងជួរកងកម្លាំង ក៏ដូចជាក្រុមគ្រួសារកងទ័ព ដោយសារក្នុងកាលៈទេសៈដ៏លំបាកនេះ កងទ័ពមានតួនាទីសំខាន់ក្នុងការសហការបំពេញប្រតិបត្តិការជួយអាជ្ញាធរតាមគ្រប់រូបភាព ក្នុងការទប់ស្កាត់ការឆ្លងរីករាលដាលជំងឺកូវីដ-១៩ ធានាសុខសុវត្ថិភាពជូនប្រជាពលរដ្ឋ ។

លោកឧត្តមសេនីយ៍ទោមេបញ្ជាការ ក៏បានផ្តាំផ្ញើដល់កងកម្លាំងទាំងអស់ក្នុងអង្គភាព ត្រូវតែបន្តយកចិត្តទុកដាក់អោយបានខ្ពស់ និងធ្វើអនាម័យតាមការណែនាំរបស់ក្រសួងសុខាភិបាល ពិសេសអនុវត្តតាម អនុសាសន៍របស់សម្តេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា គឺវិធានការ <<៣ការពារ និង៣កុំ>>ទាំងអស់គ្នា។

គួរបញ្ជាក់ថា លទ្ធផលនាយទាហាន នាយទាហានរង និងពលទាហាន ក្នុងទីបញ្ជាការ តំបន់ប្រតិបត្តិការសឹករងសៀមរាប ទាំអស់អវិជ្ជមាន ១០០% ៕

អត្ថបទ ៖ គឿនវេត