ព័ត៌មានជាតិ

មណ្ឌលព្យាបាលអ្នកជំងឺកូវីដនៅខេត្តកោះកុង ច្នៃកេសក្រដាសធ្វើជាគ្រែ ដាក់ដំណើរការប៉ុន្មានថ្ងៃទៀតនេះ

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

មណ្ឌលព្យាបាលជំងឺកូវីដ-១៩ កម្រិតស្រាលដោយប្រើប្រាស់កេសក្រដាសធ្វើជាគ្រែសម្រាប់អ្នកជំងឺនៅខេត្តកោះកុង នឹងបើកឱ្យដំណើរការនៅថ្ងៃទី២៤ ខែកក្កដា ឆ្នាំ២០២០១នេះ ដែលនឹងជួយសម្រួលដល់ការព្យាបាលអ្នកជំងឺកូវីដ១៩កម្រិតស្រាលកាន់តែប្រសើរឡើងថែមទៀត ។

លោក ស្រេង ហុង អភិបាលរងខេត្ត និងជាប្រធានក្នុងការរៀបចំមណ្ឌលព្យាបាលជំងឺកូវីដ-១៩ កម្រិតស្រាលក្រុងខេមរភូមិន្ទ បានឲ្យដឹងថា ការងាររៀបចំមណ្ឌលនេះសម្រេចបាន៩៨% ហើយនឹងបញ្ចប់ការរៀបចំនេះ ក្នុងរយៈពេល៣ថ្ងៃទៀតប៉ុណ្ណោះ។

លោកអភិបាលរងខេត្តបានបន្តទៀតថា អ្វីដែលនៅសល់ គឺនៅកែសម្រួលបន្តិចបន្តួច និងរៀបចំអនាម័យតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មណ្ឌលព្យាបាលអ្នកជំងឺកូវីដ-១៩ ថ្មី ដែលអាជ្ញាធរខេត្តកោះកុងបានរៀបចំ អាចផ្ទុកគ្រែអ្នកជំងឺបានប្រមាណ ៦០០។ មណ្ឌលព្យាបាលអ្នកជំងឺកូវីដ-១៩ ថ្មី ប្រើប្រាស់កេសក្រដាសធ្វើជាគ្រែសម្រាប់អ្នកជំងឺ។ ការប្រើប្រាស់កេសក្រដាសធ្វើជាគ្រែសម្រាប់អ្នកជំងឺនេះ ក្រោមការគាំំទ្រពីមូលនិធិឆ្មាបាត់ ដើម្បីបំពេញតម្រូវការប្រើប្រាស់ជាបន្ទាន់សម្រាប់អ្នកជំងឺកូវីដ-១៩ នៅក្នុងខេត្តកោះកុង៕

អត្ថបទ ៖ សំអឿន