ព័ត៌មានជាតិ

នគរបាលក្រសួងមហាផ្ទៃ បង្ក្រាបទីតាំងជនបរទេស នៅខណ្ឌច្បារអំពៅ

បានផុស

៦ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

ជនជាតិបរទេស ជាច្រើននាក់ ត្រូវបានសមត្ថកិច្ចឃាត់ខ្លួន នាវេលាម៉ោង១៤និង០៥នាទីរសៀល ថ្ងៃទី២៣ ខែវិច្ឆិកា ឆ្នាំ២០២០ នៅក្នុងភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ពាក់ព័ន្ធករណីលួចបើកល្បែងស៊ីសងតាមអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុង រ៉ូន ចៅរងទី១សង្កាត់និរោធ បានឲ្យដឹងថា ការបង្ក្រាបនេះ បានធ្វើឡើងនៅ២ទីតាំងផ្សេងគ្នាតែស្ថិតក្នុងបុរីតែមួយ។ លោកថា ករណីបង្ក្រាបនៅចំណុចផ្ទះលេខ១៤ ក្នុងគំរោង១០ បានឃាត់ខ្លួនបានជនជាតិចិន ចំនួន៧នាក់ និងមួយទីតាំងទៀត ស្ថិតក្នុងផ្ទះលេខ៩៨ ក្នុងគំរោង១០ ឃាត់ខ្លួនជនជាតិកូរ៉េ ចំនួន៣នាក់។

ក្នុងការបង្ក្រាបនេះ សមត្ថកិច្ចបានដកហូតឧបករណ៍ល្បែងគ្រប់ប្រភេទសុទ្ធសឹងជាឧបករណ៍ទំនើបៗទៀតផង។ បន្ទាប់មកតុលាការសម្រេចបិទទ្វារទីតាំងទាំង២ ហើយជនបរទេសទាំងអស់ ត្រូវបានបញ្ជូនទៅធ្វើការសាកសួរនៅក្រសួងមហាផ្ទៃ៕

អត្ថបទ ៖ នរា