ព័ត៌មានជាតិ
ផ្លូវ ១៥១ ផ្សារព្រែកព្នៅ ដោះមិនចេញរាប់ឆ្នាំ អាជ្ញាធរចុះបើកផ្លូវឲ្យស្រឡះ លែងឲ្យលក់ដូរលើផ្លូវដូចមុន
ភ្នំពេញ ៖ ផ្លូវ១៥១ត្រង់ចំណុចផ្សារព្រែកព្នៅ និងកន្លែងយឿត្រីតាមបណ្តោយផ្លូវជាតិលេខ៥ ចំណុចភូមិពោធិមង្គល ត្រូវបានអាជ្ញាធរចុះរៀបចំសណ្តាប់ធ្នាប់របៀបរៀបរយ លែងឲ្យមានការលក់ដូរលើផ្លូវបង្កការកកស្ទះដល់អ្នកដំណើរ។
លោករឿន ចំរុង ប្រជាពលរដ្ឋរស់នៅតាមបណ្តោយផ្លូវ១៥១ក្នុងភូមិព្រែកព្នៅ ស្ថិតក្នុងសង្កាត់ព្រែកព្នៅ បានលើកឡើងថា អាជ្ញាធរខណ្ឌព្រែកព្នៅ បានរៀបចំសណ្តាប់ធ្នាប់ទីតាំងផ្លូវ១៥១ត្រង់ចំណុចផ្សារព្រែកព្នៅនេះបានស្អាត មានសណ្តាប់ធ្នាប់ល្អ លែងឲ្យមានអ្នកលក់ដូរលើផ្លូវរញេរញ៉ៃ អាចឲ្យអ្នកដំណើរចរាចរឆ្លងកាត់ទៅមកបានល្អ មិនស្ទះដូចកាលពីមុននោះឡើយ។
ពលរដ្ឋក្នុងមូលដ្ឋានរូបនេះបន្តថា ទីតាំងផ្លូវ១៥១ត្រង់ចំណុចផ្សារព្រែកព្នៅនេះ កាលពីមុនអ្នកលក់បានដាក់កញ្ច្រែងបន្លែ ផ្លែឈើលក់លើផ្លូវរញេរញ៉ៃគ្មានសណ្តាប់។ ចំណែកចរាចរឆ្លងកាត់ទៅមកបើព្រឹកឡើងវិញស្ទះគ្មាននរណាចង់ឆ្លងកាត់តាមផ្លូវនេះនោះឡើយ។ តែមកដល់បច្ចប្បន្ននេះអាជ្ញាធរបានរៀបចំសណ្តាប់ធ្នាប់លែងឲ្យមានអ្នកលក់លើផ្លូវបង្កភាពងរញេរញ៉ៃ ហើយចរាចរឆ្លងកាត់ទៅមកមិនស្ទះដូចកាលពីមុនទៀតនោះទេ។
ចំណែកលោកនួន សុខនីន ប្រជាពលរដ្ឋរស់សង្កាត់សំរោង មុខរបរដឹកផ្កាឈូកលក់បានលើកឡើងថា កន្លងមកយឿត្រីនៅតាមបណ្តោយផ្លូវជាតិលេខ៥ ត្រង់ចំណុចភូមិពោធិមង្គល បានបង្កភាពរញេរញ៉ៃជាខ្លាំង និងស្ទះចរាចរដោយសារការដាក់លក់ត្រី និងផ្ទេរត្រីចេញពីរថយន្តធំៗ តាំងពីពាក់កណ្តាលយប់រហូតដល់ភ្លឺ ដែលបង្កឲ្យមានសំរាមគរចោលអារាត់អារាយពេញផ្លូវ ហើយការរៀបចំរបស់អាជ្ញាធរដូចវែកចកអញ្ចឹង។
លោកបន្តថា ការរៀបចំរបស់អាជ្ញាធរទាំងយប់ទាំងថ្ងៃ ឃើញថាបានផលល្អដោយមួយរយៈចុងក្រោយនេះ គឺនៅត្រង់ចំណុចយឿត្រីភូមិពោធិមង្គលនេះ អ្នកដំណើរឆ្លងកាត់លែងរអ៊ូរទាំពីការស្ទះចរាចរ និងលែងមានសំរាមបោះចោល ព្រមទាំងក្លិនត្រីឆ្អេះឆ្អាបដូចមុនទៀតឡើយ។
លោកសុខ សម្បត្តិ អភិបាលខណ្ឌព្រែកព្នៅបានមានប្រសាសន៍ថា ក្នុងការរៀបចំកន្លងមក អាជ្ញាធរបានសុំណូមពរឲ្យប្រជាពលរដ្ឋចូលរួមសហការទាំងអស់គ្ នាធ្វើយ៉ាងណាបង្កើនសោភ័ណ្ឌភាព ក៏ដូចជាការជួយសម្រួល ការកកស្ទះចរាចរ ដែលបណ្ដាលមកពីការលក់ដូបង្កភាពរញ៉េរញ៉ៃ និងចតរថយន្ដគ្មានសណ្ដាប់ធ្នាប់។
លោកបញ្ជាក់ថា ក្នុងការរៀបចំកម្លាំងសណ្តាប់ធ្នាប់ខណ្ឌព្រែកព្នៅនៅតែធ្វើរាល់ថ្ងៃ គឺធ្វើដូចភ្លៀងរលឹម ហើយក្នុងដំណាក់កាលនៃការីករាលដាលនៃជម្ងឺកូវីដ១៩នេះ អាជ្ញាធរក៏ចាប់បង្ខំតែម្តងមិនឲ្យលក់ដូរំលោភលើផ្លូវ បង្កភាពអនាធិប្បតេយ្យទៀតឡើយ ដោយសារព្រួយបារម្មណ៍ពីអាយុជីវីតរបស់ប្រជាពលរដ្ឋ ដែលលក់ដូបង្កភាពរញេរញ៉ៃ មានហានិភ័យខ្ពស់ណាស់ក្នុងការឆ្លងជំងឺកូវីដ១៩នោះ។
លោកបន្តថា មកដល់ពេលនេះទីតាំងទាំងពីរនេះ រៀបចំបានប្រមាណជាងប៉ែតសិបភាគរយហើយ៕
អត្ថបទ៖ ឧត្តរ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង