Connect with us

ព័ត៌មានជាតិ

ខណ្ឌព្រែកព្នៅ ​ទទួល​ការ​គាំទ្រ​​​គម្រោង​អាទិភាព​ ៣​១៩ គម្រោង​ នៅឆ្នាំ២០២២

បានផុស

នៅ

ភ្នំពេញ ៖ គម្រោងសកម្មភាពជាអាទិភាពនៅក្នុងខណ្ឌព្រែកព្នៅចំនួន៣១៩ គម្រោង ស្មើនឹង១០៥,៨៨% នៃគម្រោងស្នើសុំគាំទ្រ សម្រាប់អភិវឌ្ឍមូលដ្ឋានខណ្ឌឆ្នាំ២០២២ ត្រូវបានទទួលការគាំទ្រជាផ្លូវការពីមន្ទីរ អង្គភាព និងអង្គការដៃគូអភិវឌ្ឍនានាផ្នែ​ក​ឯកជននិងសប្បុរសជន ក្នុងសិក្ខាសាលាសមាហរណកម្មផែនការ កម្មវិធីវិនិយោគ៣ឆ្នាំរំកិលរបស់ខណ្ឌ សង្កាត់ នាព្រឹកថ្ងៃទី២៣ ខែវិច្ឆិកា ឆ្នាំ២០២១នេះ នៅសាលាខណ្ឌព្រែកព្នៅ។

លោក សុខ សម្បត្តិ អភិបាលនៃគណៈអភិបាល ខណ្ឌព្រែកព្នៅបានមានប្រសាសន៍ថា គម្រោងអាទិភាពទាំង៣១៩ គម្រោងនេះ សម្រាប់កម្មវិធីវិនិយោគ៣ឆ្នាំរំកិលរបស់ខណ្ឌមាន៦៨ គម្រោង ដែលមានផ្នែកសេដ្ឋកិច្ច សង្គមកិច្ច ធនធាន ធម្មជាតិ បរិស្ថាន ផ្នែករដ្ឋបាលនិងសន្ដិសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកសម្រាប់គម្រោងអាទិភាពរបស់សង្កាត់ទាំង ៥ សរុបមាន ២៣៩ គម្រោង ដែលជាគម្រោងផ្នែកវិស័យកសិកម្ម វិស័យអាជីវកម្ម អប់រំ សុខភាព វិស័យភាពងាយរងគ្រោះ បរិស្ថាន រដ្ឋបាល និងសន្តិសុខ។ ក្រៅពីគម្រោងទាំងនេះ ក៏មានការគាំទ្រពីមន្ទីរ អង្គភាពចំនួន ១២ គម្រោងផ្សេងទៀត សម្រាប់ខណ្ឌនិងសង្កាត់ដែលពុំបានស្នើឡើង។

លោកអភិបាលខណ្ឌបានបញ្ជាក់ថា គម្រោងដែលទទួលបានការគាំទ្រនាពេលនេះគឺជាកម្មវិធី សកម្មភាពអាទិភាព ក្នុងការចូលរួមបំពេញនូវតម្រូវការចាំបាច់របស់ប្រជាពលរដ្ឋក្នុងមូលដ្ឋាន ក៏ដូចជាការចូលរួមអនុវត្តតាមយុទ្ធសាសន៍ចតុកោណ ដំណាក់ការទី៤របស់រាជរដ្ឋាភិបាល ក្នុងការកាត់បន្ថយភាពក្រីក្រជូនប្រជាពលរដ្ឋក្នុងមូលដ្ឋាន និងការអនុវត្តគោលនយោបាយវិមជ្ឈកា វិសហមជ្ឈកា និងការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិអោយកានតែប្រសើរឡើង។

ថ្លែងក្នុងឱកាសនោះ លោកស្រី កែវ សុខ ពិសី អភិបាលរងរាជធានីភ្នំពេញ បានណែនាំដល់បណ្ដាអង្គភាព មន្ទីរជំនាញ អង្គការសង្គមស៊ីវីល ជាដៃគូអភិវឌ្ឍដែលបានចុះកិច្ចព្រមព្រៀងបណ្ដោះអាសន្ន សូមបញ្ចូលគម្រោងដែលបានគាំទ្រគម្រោងអភិវឌ្ឍនានារបស់ខណ្ឌនិងសង្កាត់ទៅក្នុងផែនការសកម្មភាព របស់អង្គភាពនិមួយៗ និងត្រូវអនុវត្តន៍ផែនការសកម្មភាពការងាររបស់ខ្លួនឲ្យបានច្បាស់លាស់ និងតាមកិច្ចព្រមព្រៀងបណ្ដោះអាសន្ន ដែលបានចុះហត្ថលេខារួច។លោកស្រីបន្ដថា ការអនុវត្តគម្រោងដែលបានគាំទ្រ ត្រូវមានកិច្ចសហការ និងពិភាក្សាបន្ថែមទៀត ជាមួយខណ្ឌនិងតាមបណ្ដាសង្កាត់ និងត្រូវខិតខំអនុវត្តន៍ឲ្យបានទាន់ពេលវេលាកំណត់ដើម្បីចូលរួមចំណែកក្នុងការអភិវឌ្ឍមូលដ្ឋាន។

លោកស្រី បានក្រើនរំលឹកដល់មន្ដ្រីថ្នាក់ មូលដ្ឋាន ពិសេសថ្នាក់សង្កាត់ ត្រូវតាមដានពីការអនុវត្តន៍គម្រោង នៅក្នុងមូលដ្ឋានរបស់ខ្លួន ឲ្យបានច្បាស់លាស់ ព្រោះ អ្នកនៅក្នុងមូលដ្ឋាននេះហើយ ជាអ្នកដែលទទួលនូវប្រយោជន៍ ពីគម្រោងនេះដោយផ្ទាល់ ប្រសិនបើ គម្រោងនេះមានផលវិបាកអ្វីកើតឡើងពីការអនុវត្តន៍ អាជ្ញាធរមូលដ្ឋាននេះហើយដែលត្រូវចេញមុខមកទទួលខុសត្រូវមុនគេ។

គួរបញ្ជាក់ថានៅក្នុងឆ្នាំ២០២១ កម្មវិធីវិនិយោគ៣ឆ្នាំរំកិល របស់ខណ្ឌព្រែកព្នៅ ទទួលបានការគាំទ្រ គម្រោងសកម្មភាពជាអាទិភាព សរុបចំនួន៧៨គំរោង ដោយអនុវត្តបាន៧៨គំរោងស្មើនឹង ១០០%៕

អត្ថបទ៖ ឧត្តរ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២២ នាទី មុន

ផ្សារទំនើបម៉ាក្រូទី៣ លើផ្លូវជាតិលេខ ៦A នឹងបើកសម្ពោធជាផ្លូវការនៅថ្ងៃទី១៤ ធ្នូ

កីឡា២៤ នាទី មុន

ទាំង​នេះ​ជា​​​ម្ចាស់​​ពានក្រុម​ និង​​​ឯកត្តជន​នៃ​​​លីគកំពូល​កម្ពុជា​​​​២០២២​​

កីឡា៩ ម៉ោង មុន

កីឡាករ​ព្រះខ័ន​រាជ​ស្វាយរៀង៣​រូប ​មានឈ្មោះ​ក្នុង​បញ្ជី​កីឡាករ ១១​នាក់​ល្អ​ជាងគេ​នៃ​លី​គ​រដូវ​កាល ២០២២

សន្តិសុខសង្គម១២ ម៉ោង មុន

សាលាឧទ្ធរណ៍​តម្កល់​សាលដីកា​ឲ្យ​អតីត​ផ្កាយ​២ សូ​យ ចាន់​សឿន អោយមាន​ទោស​ដដែល

សេដ្ឋកិច្ច១៣ ម៉ោង មុន

ធនាគារពិភពលោក៖ វិស័យទេសចរណ៍ និងកិច្ចព្រមព្រៀងពាណិជ្ជកម្មថ្មីៗ ជំរុញកំណើនសេដ្ឋកិច្ចកម្ពុជាងើបឡើងជិត ៥%ឆ្នាំនេះ

Sokha Hotels

ព័ត៌មានពេញនិយម