បាត់មុខ​រាប់ឆ្នាំ អាន គុណកូឡា ប្រើជីវិតរស់នៅយ៉ាងសាមញ្ញ ក្រោយ​រៀបការ​មាន​ប្រពន្ធ កូនរួច

ភ្នំពេញ៖តារាចម្រៀងលោកអាន គុណកូឡា មួយរយ:ចុងក្រោយនេះត្រូវបានទស្សនិកជនកត់សម្គាល់ថាសម្រាប់អាជីពសិល្ប:ហាក់មិនមានសន្ទុះដូចមុនៗឡើយ ពោលគឺចាប់តាំងពីលោកបាត់មុខជាច្រើន​​ឆ្នាំ​មក​នេះ។

ជាការពិតការបាត់មុខរបស់លោក អាន គុណកូឡាពីវិថីសិល្បៈចម្រៀងច្រើនឆ្នាំមកនោះបានធ្វើឲ្យអ្នកគាំទ្រមានចម្ងល់គ្រប់គ្នា ដោយយល់ថាលោកបោះបង់ការងារសិល្ប:ចោលទាំងស្រុង ខណ:មិនដែលឃើញលេចមុខលើឆាកប្រគុំតន្រ្តីតាមកម្មវិធីនានាទេ។

យ៉ាងណាមិញក៏ស្រាប់តែលេចឮដំណឹងថា លោកបានសម្រេចបញ្ចប់ភាពនៅលីវដោយរៀបការស្រប់ច្បាប់ជាមួយភរិយាស្រស់ស្អាតដើម្បីចាប់ ដៃគ្នាសាងសុភមង្គលគ្រួសារ។តួយ៉ាងបច្ចុប្បន្នលោ ក អាន គុណកូឡា កំពុងប្រើជីវិតរស់នៅយ៉ាងសាមញ្ញជាមួយភរិយានិងកូនជាទីស្រឡាញ់។

ទន្ទឹមគ្នានេះដែរគេតែងឃើញលោកនិងភរិយាបង្ហាញពីស្នាមញញឹម ដោយភាពរីករាយហាក់មានសេចក្ដីសុខសុភមង្គលខ្លាំងបំផុតបន្ទាប់ពីភរិយាសម្រាលបានកូនប្រុសដំបូង ជាចំណងដៃអាពាហ៍ពិពាហ៍ កាលពីថ្ងៃទី១៤ ខែមិថុនា ឆ្នាំ២០២១កន្លងទៅនេះ ហើយក្នុងនោះក៏ទទួលបានការសាទរពីសំណាក់អ្នកគាំទ្រមិត្តភក្តិរួមអាជីពផងដែរ៕

អត្ថបទ៖ ចាន់រ៉ា