ព័ត៌មានជាតិ

មិនមានការបិទខ្ទប់ផ្សារបឹងកេងទេ បើទោះបីរកឃើញ មានកូវីដ-១៩ ពីរនាក់ រស់នៅបឹងសាឡាង

បានផុស

៥ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

ភ្នំពេញ ៖ អនុគណៈកម្មការស្រាវជ្រាវជំងឺកូវីដ-១៩ បានសហការជាមួយគណៈកម្មការផ្សារបឹងកេងកងធ្វើការធ្វើតេស្តរហ័សយកសំណាក អាជីវករលក់ដូរនៅផ្សារបឹងកេងកងចំនួនជាង៤០០នាក់ ហើយជាលទ្ធផល មានវិជ្ជមានកូវីដចំនួន២នាក់។ ប៉ុន្តែទោះបីជាយ៉ាងក្តីទីផ្សារទាំងមូលនៅបើកដំណើរការជាប្រក្រតី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគណៈកម្មការផ្សារបឹងកេងកងលោក ឯក និមល បានឲ្យដឹងនៅរសៀលថ្ងៃទី៥ ខែសីហានេះថា អាជីវករលក់ដូរនៅផ្សារបឹងកេងកងចំនួន ៤២១នាក់ ត្រូវបានក្រុមគ្រូពេទ្យចុះយកសំណាក ហើយជាលទ្ធផលរកឃើញ វិជ្ជមានកូវីដ-១៩ចំនួន២នាក់ប៉ុណ្ណោះ។

លោកបញ្ជាក់ថា អាជីវករទាំង២នាក់ដែលមានវិជ្ជាមានកូវីដ-១៩ពីរនេះ ពួកគាត់ជាពលរដ្ឋរស់នៅបឹងសាឡាងខណ្ឌទួលគោក ដែលអាជ្ញាធររាជធានីភ្នំពេញបានបិទខ្ទប់ភូមិដ្ឋានពួកគាត់រួចហើយ។

លោកក៏បានបញ្ជាក់បន្ថែមផងដែរថា ចំពោះទីផ្សារបឹងកេងកងទាំងមូលមិនមានការបិទទេ គឺនៅបើកដំណើរការជាប្រក្រតី ព្រោះថា បងប្អូនអាជីវករទាំង២នាក់នេះលក់ដូរនៅក្រោយគេឯង មិនសូវមានមនុស្សចេញចូលទេ ទើបលោកឃួង ស្រេង អភិបាលរាជធានីភ្នំពេញឲ្យនៅរក្សាផ្សារលក់ដូរជាប្រក្រតី។

ដោយឡែក លោក ហ៊ត វ៉ាន់ធី ប្រធានផ្សារអូរឫស្សី វិញ បានប្រាប់ឲ្យដឹងនៅរសៀលថ្ងៃទី០៥សីហាឆ្នាំ២០២១ នេះដែរថា អាជីវករផ្សារអូរឫស្សីទាំងអស់ មិនមានការពិនិត្យយកសំណាកនោះទេ នៅថ្ងៃនេះ ហើយអ្នកដែលយកសំណាក៥នាក់នោះ មិនពាក់ព័ន្ធអ្វីដែលត្រូវអោយអាជីវករផ្សារអូរឫស្សីទាំងអស់យកសំណាកនោះទេ បើទោះបី ក្នុងចំនួនអ្នកទាំង៥នាក់នោះមានអាជីវករផ្សារអូរឫស្សីក៏ដោយ ហើយក្នុងចំនួន៥នាក់នោះ ក្រោយការពិនិត្យទទួលលទ្ធផលអវិជ្ជាកូវីដ-១៩ទាំងអស់គ្នា៕

ដោយ ៖ ស្រីរ័ត្ន