ព័ត៌មានជាតិ

ក្រសួងបញ្ជាទិញឧបករណ៍តេស្តរហ័សថ្មី លូកចូលរន្ធច្រមុះរាក់ៗមានប្រសិទ្ធភាព អាចដឹងលទ្ធផលភ្លាមៗ

បានផុស

៥ years មុន

នៅ

ថ្ងៃអង្គារ ១០ សីហា ២០២១

ដោយ

រដ្ឋមន្រ្តីក្រសួងប្រៃសណីយ៍ និងទូរគមនាគមន៍កម្ពុជា បានថ្លែងបញ្ជាក់ថា ក្រសួងត្រៀមបញ្ជាទិញឧបករណ៍តេស្តរហ័សរកកូវីដ ១៩ (Rapid) ថ្មី មានប្រភពមកពីប្រទេសចិន ដែលងាយស្រួលប្រើប្រាស់ អាចលូកចូលរន្ធច្រមុះរាក់ៗមានប្រសិទ្ធភាពអាចតេស្តដឹងលទ្ធផលភ្លាមៗ។

ការថ្លែងនេះ ក្រោយពេលរដ្ឋមន្រ្តីលោក ជា វ៉ាន់ដេត បានជួបប្រជុំជាមួយប្រធានក្រុមព័ត៌មានតាមប្រព័ន្ធ Zoom កាលពីម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្រ្តីបានបញ្ជាក់ថា ឧបករណ៍ធ្វើតេស្តរហ័សថ្មីដែលក្រសួងបញ្ជាទិញពីប្រទេសចិន ងាយស្រួលប្រើប្រាស់ជាងមុន និងមានគុណភាពខ្ពស់។

លោក ជា វណ្ណដេត បានអះអាងថា ក្រសួងគ្រោងបញ្ជាទិញចំនួន២លានគ្រឿង និងលក់ជូនដល់ពលរដ្ឋក្នុងតម្លៃត្រឹម ២ដុល្លារប៉ុណ្ណោះក្នុងមួយឧបករណ៍។

កន្លងមកនេះក្រសួងប្រៃសណីយដែលទទួលបានការអនុញ្ញតពីរាជរដ្ឋាភិបាល បាននាំចូលឧបករណ៍តេស្តរហ័សអង់ទីហ្សែនកូវីដ-១៩ (Covid-19 Rapid Antigen Test) ពីប្រទេសកូរ៉េ សម្រាប់ប្រើប្រាស់តាមក្រសួងស្ថាប័ន ក្រុមហ៊ុន និងគ្រឹះស្ថានឯកជន។ ស្ថាប័ន ក្រុមហ៊ុន ឬ គ្រឹះស្ថានឯកជនជាកន្លែងដែលមានបុគ្គលិកច្រើន ស្ថិតនៅតំបន់ដែលមានហានិភ័យពាក់ព័ន្ធនឹងជំងឺកូវីដគឺត្រូវបានផ្ដល់អាទិភាព ដោយលក់ក្នុងតម្លៃដើម៣,៧ដុល្លារអាមេរិក ក្នុងមួយឧបករណ៍៕

Related Topics:លោក ជា វ៉ាន់ដេត