មន្ទីរព្យាបាលជំងឺកូវីដ១៩ កម្រិតធ្ងន់​ថ្នាក់តំបន់​នៅសៀម​រាប ដំឡើងជិតរួចរាល់ ត្រៀមទទួលព្យាបាលអ្នកជំងឺមកពី ៥ ខេត្ត

មន្ទីរព្យាបាលជំងឺកូវីដ១៩ថ្មីបន្ថែមទៀត ដែលមានគ្រែសម្រាប់ដាក់អ្នកជំងឺចំនួន ៤០០ គ្រែ កំពុងដំណើរការដំឡើងជិតរួចរាល់ហើយ និងត្រៀមទទួលព្យាបាលអ្នកជំងឺមកពី ៥ ខេត្តទៀតដែលជាអ្នកជំងឺកម្រិតធ្ងន់។

លោក ម៉ម ប៊ុនហេង រដ្ឋមន្ត្រីសុខាភិបាល បានឱ្យដឹងថា ទាំងឧបករណ៍ សម្ភារវេជ្ជសាស្ត្រ ដែលត្រូវបំពាក់តាម​គ្រែអ្នកជំងឺ ក៏បានដឹកជញ្ជូនដល់មន្ទីរព្យាបាលផងដែរ។

លោក រដ្ឋមន្ត្រីសុខាភិបាល បានបញ្ជាក់ឱ្យដឹងថា ការពង្រីកបន្ថែមកន្លែងព្យាបាលអ្នកជំងឺកូវីដ១៩ ជាយុទ្ធសាស្ត្រត្រៀមបង្ការរបស់ប្រមុខដឹកនាំរាជរដ្ឋាភិបាលហើយថា មន្ទីរព្យាបាលជំងឺកូវីដ-១៩ កម្រិតធ្ងន់មួយនេះគឺជាមន្ទីរព្យាបាលខ្នាតស្តង់ដារខ្ពស់សម្រាប់ថ្នាក់តំបន់ ក្នុងនោះអ្នកជំងឺកូវីដ១៩ ដែលត្រូវបញ្ជូនមកទទួលការ​ព្យបាលនៅទីនេះ រួមមានខេត្តសៀមរាប កំពង់ធំ ព្រះវិហារ ឧត្តរមានជ័យ និងខេត្តបន្ទាយមានជ័យ៕

ដោយ៖ គឿនវេត