ព័ត៌មានជាតិ

ពលរដ្ឋគាំទ្រអាជ្ញាធរ ចំពោះការយកចិត្តទុកដាក់ជួសជុលផ្លូវសម្រាប់ការធ្វើដំណើរ នៅខណ្ឌច្បារអំពៅ

បានផុស

៤ years មុន

នៅ

ថ្ងៃអង្គារ ២៤ សីហា ២០២១

ដោយ

ប្រជាពលរដ្ឋរស់នៅសង្កាត់ព្រែកប្រា និង ព្រំប្រទល់សង្កាត់និរោធ ខណ្ឌច្បារអំពៅ រាជធានីភ្នំពេញ នាំគ្នាគាំទ្រនូវការយកចិត្តទុកដាក់របស់អាជ្ញាធរ ដែលលោកខិតខំដាក់គ្រឿងចក្រមកជួសជុលផ្លូវដែលរងការខូចខាតកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវដែលរងការខូចខាតហើយកំពុងជួសជុលនេះ គឺស្ថិតក្នុងភូមិតាង៉ៅក្រោមសង្កាត់និរោធជាប់និងភូមិព្រែកតាពៅ សង្កាត់ព្រែកប្រា។ ប្រជាពលរដ្ឋរស់នៅតំបន់នេះបានឲ្យដឹងថា ផ្លូវនេះដើមឡើយក៏ជាផ្លូវចាក់ក្រាលបេតុងផងដែរ ប៉ុន្តែដោយសារពេលធ្លាក់ភ្លៀងម្តងៗក៏ត្រូវជនលិចស្របពេលមានរថយន្តធុនធំឆ្លងកាត់នៅពេលទឹកលិចផ្លូវ ក៏ត្រូវរងការខូចខាតហើយចំពោះរថយន្តធុនតូចនិងម៉ូតូកង់របស់ប្រជាពលរដ្ឋលំបាកធ្វើដំណើរណាស់។ លុះនៅពាក់កណ្តាលខែសីហានេះ លោក ចេង មុនីរ៉ា អភិបាលខណ្ឌច្បារអំពៅ បានដាក់គ្រឿងចក្រជួសជុលផ្លូវនេះ ដោយចាក់ក្រាលបេតុងឆ្អឹងដែកឲ្យបានរឹងមាំល្អស្អាតជាងមុន។

ទាក់ទិនទៅនិងការដាក់គ្រឿងចក្រជួសជុលផ្លូវខាងលើនេះ លោក សំ សុធារី ប្រធានការិយាល័យផែនការ និងអភិវឌ្ឃន៍ សាលាខណ្ឌច្បារអំពៅបានឲ្យដឹងថា ផ្លូវដែលកំពុងជួសជុលនេះ គឺជាថវិការបស់សាលារាជធានីភ្នំពេញ ដែលមានទទឹង៥ម៉ែត្រនិងបណ្តោយ១៦២ម៉ែត្រ ដោយមានដាក់លូមុខកាត់មួយម៉ែត្រទៀតផង។ លោកបន្តថា បន្ទាប់ពីអាជ្ញាធរធ្វើការជួសជុលផ្លូវនេះ រួចមកប្រជាពលរដ្ឋលោកសប្បាយចិត្តគ្រប់គ្នា ព្រោះបានផ្លូវថ្មីលែងបារម្ភនិងប្រឡាក់ភក់ជ្រាំទៀតហើយ៕

អត្ថបទ៖ នរា