ព័ត៌មានជាតិ
ប្រជាពលរដ្ឋ ១២ លាននាក់ នឹងទទួលបានការចាក់វ៉ាក់សាំងដូសជំរុញ
ប្រជាពលរដ្ឋប្រមាណ ១២ លាននាក់ នៅទូទាំងប្រទេសកម្ពុជា នឹងទទួលបានការចាក់ដូសជំរុញ ដើម្បីឱ្យមានភាពស៊ាំ នៅក្នុងសហគមន៍។ នេះបើតាមការបញ្ជាក់ របស់លោកស្រី យក់ សម្បត្តិ រដ្ឋលេខាធិការក្រសួងសុខាភិបាល នៅថ្ងៃទី ៣១ ខែសីហា ឆ្នាំ ២០២១។
ថ្លែងនៅឯអាកាសយានដ្ឋានអន្តរជាតិភ្នំពេញ ក្នុងពេលទទួលវ៉ាក់សាំង ស៊ីណូវ៉ាក់ ២ លានដូស លោកស្រី យក់ សម្បត្តិបានបញ្ជាក់ថា បច្ចុប្បន្នការចាក់វ៉ាក់សាំងនៅកម្ពុជាមានល្បឿនលឿន ខណៈសម្ដេចតេជោ ទើបតែកំណត់ឱ្យរដ្ឋមន្ត្រីក្រសួងអប់រំ ពិភាក្សាមើលលទ្ធភាពកន្លែងដែលចាក់វ៉ាក់សាំងបានច្រើន ហើយមិនមានការឆ្លងទេ នឹងអនុញ្ញាតឱ្យបើកដំណើរការសាលារៀនឡើងវិញ។
លោកស្រី យក់ សម្បត្តិ ថ្លែងថា ចំពោះមុខនេះ គឺកំពុងចាក់ជូនទៅដល់ក្រុមជួរមុខ ដែលមានផ្នែកសុខាភិបាល ក្រុមអាជ្ញាធរ សមត្ថកិច្ច ដែលធ្វើការផ្ទាល់ជាមួយកន្លែងដែលប្រឈម ជាពិសេសនៅតាមព្រំដែន ទីក្រុង និងទីប្រជុំជន។
លោកស្រី ថ្លែងថា “ទៅអនាគត ជាគោលនយោបាយ សម្ដេចតេជោ បានគិតគូម៉ត់ចត់ក្នុងការផ្ដល់នូវដូសជំរុញគ្រប់ប្រជាជនទាំងអស់ ឥឡូវនេះយើងយក ១០ លានជាគោល ដូច្នេះទៅខាងមុខយើងប្រហែលជាជំរុញទាំង១០ លានហ្នឹង ហើយកុមារដែលមានអាយុ ១២ ទៅ១៨ ប្រសិនជាថ្ងៃក្រោយភាពស៊ាំនៃវ៉ាក់សាំងទៅលើសរីរាង្គមនុស្សកាន់តែបន្តថែមទៀត យើងនឹងផ្ដល់ដូសជំរុញនេះ ទៅលើប្រជាជនទាំងអស់យ៉ាងតិចក៏ ១២ លាននាក់ដែរ”។
បើតាមលោកស្រី យក់ សម្បត្តិ គណៈកម្មការចំពោះកិច្ចចាក់វ៉ាក់សាំង កំពុងបង្កើនល្បឿនចាក់ជាបន្តបន្ទាប់ទៅដល់ក្រុមមន្ត្រីជួរមុខ ខណៈដែលវ៉ាក់សាំងដែលមកដល់ក្នុងខែសីហានេះ បានបញ្ចេញទៅទាំងអស់ ដើម្បី យកទៅចាក់ឱ្យក្រុមជួរមុខទទួលបានបានដូសជំរុញឆាប់រហ័ស។
របាយការណ៍របស់អនុគណៈកម្មការតាមដាន និងវាយតម្លៃនៃគណៈកម្មការចំពោះកិច្ចចាក់វ៉ាក់សាំងកូវីដ១៩ បង្ហាញថា គិតត្រឹមថ្ងៃទី ៣០ ខែសីហា ចំនួនអ្នកចាក់វ៉ាក់សាំងដូសជំរុញ បានជាង ៦០ ម៉ឺននាក់ (៦១០ ៤២៨)៕
អត្ថបទ៖ ឡេង ដេត
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល