ព័ត៌មានជាតិ

Update ការចុះយកសំណាកបុគ្គលិកធនាគារអេស៊ីលីដាសាខាចោមចៅ រកឃើញវិជ្ជមានកូវីដ១៩ចំនួន២នាក់ក្នុងចំណោមមនុស្ស១២២នាក់

បានផុស

៥ years មុន

នៅ

ថ្ងៃពុធ ១ កញ្ញា ២០២១

ដោយ

ភ្នំពេញ ៖ នៅថ្ងៃទី១ ខែកញ្ញា ឆ្នាំ២០២១នេះ ក្រុមគ្រូពេទ្យស្ម័គ្រចិត្តសម្តេចតេជោ ប្រឆាំងកូវីដ១៩ បានចុះយកសំណាកបុគ្គលិកធនាគារអេស៊ីលីដា សាខារង្វង់មូលចោមចៅ ក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ មនុស្សចំនួន១២២នាក់ ជាលទ្ធផលរកឃើញវិជ្ជមានជំងឺកូវីដ១៩ចំនួន២នាក់ ត្រូវបានក្រុមគ្រូពេទ្យយកទៅព្យាបាលបន្ត និងរង់ចាំលទ្ធផលវិភាគរកមេរោគបំប្លែងថ្មី Delta បន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឱ្យដឹងថា កន្លងមកទីតាំងខាងលើមានអ្នកជំងឺកូវីដ១៩បានចូលមក ក្រោយពីពិនិត្យសុខភាពរកឃើញថាមានជំងឺកូវីដ១៩ ទើបក្រុមគ្រូពេទ្យស្ម័គ្រចិត្តសម្តេចតេជោប្រឆាំងជំងឺកូវីដ១៩បន្តចុះយកសំណាកបុគ្គលិកទាំងអស់សរុប១២២នាក់ រហូតមកដល់ល្ងាចថ្ងៃដដែលទើបបិទបញ្ចប់ក្នុងការយកសំណាកនិងរកឃើញវិជ្ជមាន២នាក់។

អង្គភាពអនុគណៈកម្មការស្រាវជ្រាវជំងឺកូវីដ-១៩, សូមបងប្អូនប្រជាពលរដ្ឋនិងបុគ្គលិកទាំងអស់ដែលពាក់ព័ន្ធនិងទីតាំងខាងលើសូមមេត្តាសហការទៅយកសំណាក និងដាក់ខ្លួនដាច់ដោយឡែកដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ២១ថ្ងៃ៕

ដោយ ៖ សុខា