ព័ត៌មានជាតិ
៧ខែឆ្នាំនេះ ទំហំពាណិជ្ជកម្មកម្ពុជា-វៀតណាម មានតម្លៃជាង ៦ពាន់លានដុល្លារ
នៅក្នុងរយៈពេល៧ខែ ឆ្នាំ២០២១នេះ ទំហំពាណិជ្ជកម្មកម្ពុជា-វៀតណាម មានតម្លៃជាង៦ពាន់លានដុល្លារ មានការកើនឡើងជាង១០៦ភាគរយ បើធៀបនឹងរយៈពេលដូចគ្នា កាលពីឆ្នាំ២០២០កន្លងទៅ។
យោងតាមស្ថានទូតវៀតណាម ប្រចាំនៅកម្ពុជា បានឲ្យដឹងថា ក្នុងចំណោម ជាង៦ពាន់លានដុល្លាតនោះ រួមមាន៖ការចរាចរណ៍ទំនិញ ពីកម្ពុជាទៅកាន់ ប្រទេសវៀតណាម ចាប់ពីខែមករា ដល់ខែកក្កដា មានទឹកប្រាក់ជាង៣.២០០លានដុល្លារ មានការកើនឡើង៤៥២ភាគរយ ដែលមានទំនិញដូចជា ស្រូវ អង្ករ គ្រាប់ស្វាយចន្ទី ជ័រកៅស៊ូ ជាដើម។ ចំណែកការ នាំចូលទំនិញ ពីវៀតណាមវិញ មានតម្លៃ ជាង២.៧០០លានដុល្លារ កើនឡើង១៨ភាគរយ មានទំនិញដូចជា ដែកថែប ប្រេង បន្លែ និងផ្លែឈើ។
យោងតាមស្ថានទូតវៀតណាម បានឲ្យដឹងទៀតថា ក្នុងរយៈពេល៧ខែឆ្នាំ ២០២១នេះ កម្ពុជាបានទាក់ទាញ ទុនវិនិយោគ ពីប្រទេសវៀតណាម ជិត៩០លានដុល្លារ ដែលធ្វើឲ្យគម្រោងវិនិយោគវៀតណាមនៅកម្ពុជា មានទឹកប្រាក់ សរុបជាង២.៨០០លានដុល្លារ លើគម្រោងសរុប១៨៨គម្រោង មានដូចជា ធនាគារ កសិកម្ម ថាមពលអគ្គិសនី និងទូរគមនាគមន៍ ជាដើម។
ស្ថានទូតវៀតណាម បានបញ្ជាក់ថា ប្រទេសវៀតណាម បានចាប់ផ្តើមវិនិយោគនៅកម្ពុជា ចាប់ពីឆ្នាំ២០០៥ ដោយមកទល់ពេលនេះ កម្ពុជាគឺជាប្រទេសគោលដៅទី២ របស់វៀតណាម ដែលបានបោះទុនវិនិយោគ ទៅក្រៅប្រទេសច្រើនជាងគេ។ ចំណែកកម្ពុជាវិញ បានវិនិយោគចំនួន២៨គម្រោង នៅប្រទេសវៀតណាម ដែលមានទឹកប្រាក់ចំនួន៧០.៦២លានដុល្លារ ជាប់ចំណាត់ថ្នាក់៥២ ក្នុងចំណោម១៤០ប្រទេស ដែលវិនិយោគនៅប្រទេសវៀតណាម៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ