ព័ត៌មានជាតិ
ប្រមុខការទូតចិនសង្ឃឹមថា កីឡាករកម្ពុជាហាត់នៅពហុកីឡាដ្ឋានមរតកតេជោ នឹងឈ្នះមេដាយមាសច្រើនពីស៊ីហ្គេម ២០២៣
ថ្លែងនៅក្នុងពិធីប្រគល់ និងទទួលពហុកីឡដ្ឋានជាតិមរតកតេជោ នៅរសៀលថ្ងៃ ទី១២ ខែកញ្ញា លោក វ៉ាង យី (Wang Yi) ទីប្រឹក្សារដ្ឋ និងជារដ្ឋមន្ត្រីការបរទេសចិនបានសម្តែងក្តីសង្ឃឹមថា កីឡាករកម្ពុជាដែលហាត់នៅពហុកីឡាដ្ឋានមរតកតេជោ នឹងទទួលបានមេដាយមាសច្រើនជាងគេ ពីការប្រគួតកីឡាស៊ីហ្គេម នៅឆ្នាំ ២០២៣ ខាងមុខ។
លោក វ៉ាង យីលើកឡើងថា ជំនួយពហុកីឡាដ្ឋានជាតិអូឡាំពិកនេះ គឺជាជំនួយធំបំផុតរបស់រដ្ឋាភិបាលចិនចំពោះប្រទេសកម្ពុជា ហើយការកសាងពហុកីឡដ្ឋានជាតិ ដោយសារតែកម្ពុជា ក៏ដូចជាប្រជាជនកម្ពុជា មានទំនាក់ទំនងល្អជាមួយប្រទេសចិន ក៏ដូចជាប្រជាជនចិន។
បើតាមលោក វ៉ាង យី រចនាបថនៅពហុកីឡដ្ឋានជាតិមរតកតេជោ ដែលជ្រើសរើសដោយសម្ដេចតេជោនាយករដ្ឋមន្ត្រី បញ្ជាក់ពីទំនាក់ទំនងរវាងប្រទេសទាំងពីរកម្ពុជា-ចិន។ ប្រទេសចិន និងកម្ពុជា សុទ្ធតែជាប្រទេសកំពុងអភិវឌ្ឍ ហើយកំពុងតែកសាងប្រទេសដូចគ្នា លោកសង្ឃឹមថា ប្រទេសកម្ពុជា នឹងរីកចម្រើនកាន់តែខ្លាំងក្លាឡើងនាពេលអនាគត។
ជាមួយនឹងការលើកឡើងខាងលើនេះ លោក Wang Yi បានលើកឡើងពីព្រះករុណា ព្រះបាទនរោត្តម សីហនុ អតីតព្រះមហាក្សត្រផងដែរ។ ជាមួយគ្នានោះលោក Wang Yi បានថ្លែងអំណរគុណដល់វត្តមានដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានបំពេញទស្សនកិច្ចនៅប្រទេសចិនជាញឹកញាប់ បើទោះបីមានការរីករាលដាល នៃជំងឺកូវីដ១៩។
លោកបានថ្លែងអំណរគុណទៅដល់ស្ថាបត្យករចិន និងកម្ពុជា ដែលបានធ្វើការរួមគ្នាកសាង ពហុកីឡដ្ឋានជាតិមរតកតេជោនេះ ទោះបីជាមានវិបត្តិកូវីដ១៩។ លោកជាថា ក្រោមការខិតខំប្រឹងប្រែងរវាងប្រទេសទាំងពីរ ទំនាក់ទំនងរវាងប្រទេសទាំងពីរ នឹងក្លាយជាទំនាក់ទំនងអមតៈ៕
អត្ថបទៈ កោះកែវ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»