ព័ត៌មានជាតិ

កម្លាំងអង្គភាព វរៈ ៩០៥ និងកម្លាំងប្រចាំការតាមបន្ទាត់ព្រំដែនកម្ពុជា-ថៃ ចុះយកសំណាករកមេរោគ កូវីដ-១៩

បានផុស

៥ years មុន

នៅ

ថ្ងៃពុធ ១៥ កញ្ញា ២០២១

ដោយ

នៅល្ងាចថ្ងៃទី១៤ ខែកញ្ញា ឆ្នាំ២០២១នេះ លោកឧត្ដមសេនីយ៍ត្រី ហង្ស បូរ ស្នងការរងទទួលផែននគរបាលការពារព្រំដែនគោក តំណាងដ៏ខ្ពង់ខ្ពស់លោកឧត្តមសេនីយ៍ទោ ហួត សុធី ស្នងការនគរបាលខេត្ត បានដឹកនាំក្រុមគ្រូពេទ្យផ្នែកសុខាភិបាល វរៈ ៩០៥ ចុះយកសំណាកធ្វើតេស្តរហ័សរកមេរោគ កូវីដ-១៩ ដល់កងកម្លាំងក្នុងអង្គភាព វរៈ ៩០៥ និងកម្លាំងដែលប្រចាំការទាំង៨គោលដៅ នៅតាមបន្ទាត់ព្រំដែនកម្ពុជាថៃ ក្នុងភូមិសាស្ត្រច្រកអន្តរជាតិជាំ ចំនួន១៩៩នាក់ ស្រី០៩នាក់ ដោយលទ្ធផលអវិជ្ជមានទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ លោកស្នងការរង បានពាំនាំនូវមតិផ្តាំផ្ញើ របស់លោកស្នងការ ជំរុញឲ្យកម្លាំងនគរបាលតាមព្រំដែនទាំងអស់ត្រូវយកចិត្តទុកដាក់ចំពោះសុខភាព និងបន្តអនុវត្តតាមគោលការណ៍របស់ក្រសួងសុខាភិបាលឲ្យបានល្អ គឺកុំភ្លេច ៣កុំ ៣ការពារ របស់អនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាល ឱ្យបានខ្ជាប់ខ្ជួនជានិច្ច៕

អត្ថបទ៖ ចាន់ ធី