Connect with us

ព័ត៌មានជាតិ

កម្ពុជា សម្រេចផ្តល់វ៉ាក់សាំងកូវីដ-១៩ ២០ម៉ឺនដូស ដល់ឡាវ នៅថ្ងៃនេះ

បានផុស

នៅ

ដើម្បីរួមចំណែកដល់ការខិតខំប្រឹងប្រែងប្រយុទ្ធប្រឆាំងនឹងជំងឺកូវីដ-១៩ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចផ្តល់ជំនួយនូវ វ៉ាក់សាំង ប្រភេទ ស៊ីណូវ៉ាក់ (Sinovac) ចំនួន២០ ម៉ឺនដូសបន្ថែមទៀត ដល់សាធារណរដ្ឋប្រជាធិបតេយ្យប្រជាមានិតឡាវ។ នេះបើយោងតាមលិខិតរបស់សម្តេចដែលយើងទើបទទួលបាននៅព្រឹកថ្ងៃទី២៨ ខែកញ្ញា នេះ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលិខិតផ្ញើជូនលោក ផាន់ខាំ វីផាវ៉ាន់ នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ សម្តេចអគ្គមហាសេនាបតីតេជោ ហ៊ុន សែន បានលើកឡើងថា៖ “ខ្ញុំមានសេចក្តីរីករាយជាអតិបរិមា  ដែលមានឱកាសបានជួបដោយផ្ទាល់ជាមួយឯកឧត្តម ថងលុន ស៊ីសុលីត អគ្គលេខាធិការបក្សប្រជាជនបដិវត្តន៍ឡាវ ក្នុងអំឡុងពេលចូលរួមកិច្ចពិគ្រោះយោបល់រវាងថ្នាក់ដឹកនាំគណបក្សរបស់ប្រទេសកម្ពុជា ឡាវ និងវៀតណាម កាលពីថ្ងៃទី២៦ ខែកញ្ញា ឆ្នាំ២០២១ នៅទីក្រុងហាណូយ។ ជំនួបដោយផ្ទាល់នេះ បានអនុញ្ញាតឱ្យយើងធ្វើការពិភាក្សា និងផ្លាស់ប្តូរគ្នាបានយ៉ាងស៊ីជម្រៅ និងប្រកបដោយផ្លែផ្កា ស្តីពីការពង្រឹងចំណងមិត្តភាព និងកិច្ចសហប្រតិបត្តិការរវាងប្រទេសយើង រួមទាំងដើម្បីដោះស្រាយបញ្ហាប្រឈមរួម”។

សម្តេចលើកឡើងទៀតថា ពិតជាគួរឱ្យក្រៀមក្រំណាស់ ដែលអស់ពេលជិតពីរឆ្នាំមកហើយ តែប្រទេសនានាជុំវិញពិភព លោក នៅតែត្រូវតស៊ូទប់ទល់នឹងការផ្ទុះឡើងវិញនៃជំងឺរកូវីដ-១៩ ដែលបានបន្តបង្កការលំបាកផ្នែកសេដ្ឋកិច្ច និងដាក់សម្ពាធបន្ថែមទៀតដល់សុខុមាលភាពរបស់ប្រជាជន។ ប្រទេសកម្ពុជា និងឡាវ ក៏មិនខុសពីប្រទេសដទៃទៀតដែរ ដោយ មានការឆ្លងជំងឺកូវីដ-១៩ បំលែងថ្មីយ៉ាងឆាប់រហ័សនៅក្នុងសហគមន៍។ 

សម្តេចតេជោបញ្ជាក់ថា នៅក្នុងស្មារតីសាមគ្គីភាព និងមិត្តភាពជាប្រពៃណីរវាងប្រទេសបងប្អូនទាំងពីរ រាជរដ្ឋាភិបាលកម្ពុជាសូមផ្តល់ជូនរដ្ឋាភិបាលសាធារណរដ្ឋប្រជាធិបតេយ្យប្រជាមានិតឡាវ នូវអំណោយថ្នាំវ៉ាក់សាំង (ប្រភេទស៊ីណូវ៉ាក់) ចំនួន ២០០,០០០ ដូស បន្ថែមទៀត ដើម្បីរួមចំណែកដល់ការខិតខំប្រឹងប្រែងរបស់ប្រទេសឡាវក្នុងការប្រយុទ្ធប្រឆាំងនឹងជំងឺដ៏សាហាវនេះ។ 

បើតាមសម្តេចតេជោ អំណោយវ៉ាក់សាំងនេះ នឹងត្រូវបញ្ជូនទៅដល់ច្រកទ្វារព្រំដែនត្រពាំងក្រៀល-ណុងណុកខៀន នៅថ្ងៃទី២៨ ខែកញ្ញា ឆ្នាំ២០២១នេះ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

សម្ដេច​តេ​ជោ ហ៊ុន សែន ថា វិបត្តិ​សង្គ្រាម​នៅ​អ៊ុយ​ក្រែ​ន មិន​ត្រឹមតែ​បន្ទច់បង្អាក់​ដល់​ការ​ងើបឡើង​វិញ​នៃ​ស្ថានភាព​សង្គម​-​សេដ្ឋកិច្ច​ប៉ុណ្ណោះ​ទេ

ព័ត៌មានជាតិ៤៤ នាទី មុន

លោក​បណ្ឌិត ហ៊ុន ម៉ា​ណែ​ត ប្រៀបធៀប​ការ​ជ្រើសរើស​បក្ស​នយោបាយ​ដើម្បី​ដឹកនាំ​ប្រទេស ទៅនឹង​ដំណើរ​ការកសាង​សំណង់​អគារ

ព័ត៌មានជាតិ១ ម៉ោង មុន

រដ្ឋបាលរាជធានី ត្រៀមបើកការដ្ឋានសាងសង់ស្ថានីយ ប្រព្រឹត្តកម្មសំណល់ភក់បង្គន់ ថ្ងៃស្អែក

ព័ត៌មានជាតិ២ ម៉ោង មុន

កិច្ចសហប្រតិបត្តិការរវាងរាជធានីភ្នំពេញ និងសមាគម AIMF នឹងជួយលើកកម្ពស់ដល់ជីវភាពពលរដ្ឋ

ព័ត៌មានជាតិ២ ម៉ោង មុន

មជ្ឈមណ្ឌលបម្រើដល់វិស័យជនមានពិការភាព សម្រេចការសាងសង់បាន ៤០ភាគរយ

Sokha Hotels

ព័ត៌មានពេញនិយម