ព័ត៌មានជាតិ

កម្លាំងប្រជាការពារ បានទទួលអំណោយ ពីលោកអភិបាលខណ្ឌអភិបាលខណ្ឌច្បារ

បានផុស

៤ years មុន

នៅ

ថ្ងៃពុធ ២៩ កញ្ញា ២០២១

ដោយ

នៅព្រឹកថ្ងៃទី២៩ ខែកញ្ញាឆ្នាំ២០២១ លោក ចេង មុនីរ៉ា អភិបាលខណ្ឌច្បារអំពៅ បានជួបសំណេះសំណាល និងចែកអំណោយដល់កងកម្លាំងសណ្តាប់ខណ្ឌ ជាង៥០នាក់ ក្នុងម្នាក់ៗទទួលបានអង្ករ៣០គីឡូក្រាម ថវិកា ១០ម៉ឺនរៀល និងភេសជ្ជៈ សម្រាប់យកទៅចូលរួមបុណ្យកាន់បិណ្ឌនិងភ្ជុំបិណ្ឌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីនេះ លោកអភិបាលខណ្ឌបានកោតសរសើរដល់កងកម្លាំងសណ្តាប់ធ្នាប់ខណ្ឌ ដែលបានរួមចំណែកយ៉ាងសកម្មក្នុងកិច្ចការងារពង្រឹងសន្តិសុខ ចុះរៀបចំសណ្តាប់ធ្នាប់ សំអាតបរិស្ថាន អនាម័យ សម្រួលចរាចរ និងចូលរួមសហការអនុវត្តច្បាប់ចរាចរណ៍ ត្រួតពិនិត្យអាវុធជាតិផ្ទុះ ជាពិសេសចូលរួមក្នុងការងារ ការពារនិងផ្សព្វផ្សាយដល់ប្រជាពលរដ្ឋនូវវិធានការ ៣ការពារ ៣កុំ និងវិធានការរបស់ក្រសួងសុខាភិបាល ដើម្បីជំរុញបងប្អូនប្រជាពលរដ្ឋអនុវត្តឲ្យបានគ្រប់ៗគ្នា។

ជាមួយគ្នានេះដែរ លោកអភិបាលខណ្ឌបានជំរុញឲ្យកម្លាំងសណ្តាប់ខណ្ឌត្ រូវមានសាមគ្គីភាពផ្ទៃក្នុងល្អ បន្តអនុវត្តការងារពង្រឹងសន្តិសុខ ចុះរៀបចំសណ្តាប់ធ្នាប់ បរិស្ថានអនាម័យ ឲ្យប្រសើរឡើងថែមទៀត ជាពិសេសក្នុងពេលដែលជំងឺកូវីដ-១៩ កំពុងតែគំរាមកំហែងសុខភាពប្រជាពលរដ្ឋនៅក្នុងរាជធានីភ្នំពេញ ដូច្នេះសូមឲ្យកម្លាំងសណ្តាប់ធ្នាប់ខណ្ឌ ត្រូវចូលរួមសហការជាមួយកម្លាំងកងរាជអាវុធហត្ថខណ្ឌ និងកម្លាំងនគរបាលខណ្ឌ ការពារសន្តិសុខ សណ្តាប់ នៅតាមគោលដៅនិងផ្លាស់ប្តូវេនគ្នាប្រចាំការ តែកុំភ្លេចត្រូវការពារខ្លួនយើងផង ដោយអនុវត្តជានិច្ចនូវវិធានការ ៣កុំ ៣ការពារ ក្នុងការការពារអាយុជីវិតរបស់យើងជៀសផុតពីជំងឺកូវីដ-១៩ និងហាមដាច់ខាតពាក់ព័ន្ធ និងគ្រឿងញៀន បើមានកម្លាំងណាម្នាក់ជាប់ពាក់ព័ន្ធជាមួយគ្រឿងញៀនហើយមិនអត់ឱនឲ្យដាច់ខាត៕

អត្ថបទ៖ នរា

Related Topics:ខណ្ឌច្បារអំពៅ