រមណីយដ្ឋានទេសចរណ៍ នៅខេត្តជាប់មាត់សមុទ្រ ទាំង៣ កំពត កែប កោះកុង សម្ពោធដាក់ឱ្យប្រើប្រាស់ផ្លូវការ

រមណីយដ្ឋានទេសចរណ៍ ចំនួន ៣ គឺរមណីយដ្ឋាន ទេសចរណ៍ភ្នំកំពង់ត្រាច ខេត្តកំពត រមណីយដ្ឋានទេសចរណ៍ភ្នំសរសៀ ខេត្តកែប និងរមណីយដ្ឋានទេសចរណ៍ពាមក្រសោមខេត្តកោះកុង ត្រូវបានសម្ពោធដាក់ឱ្យប្រើប្រាស់ជាផ្លូវការ កាលពីរសៀល ថ្ងៃទី ២៩ ខែកញ្ញា ក្រោមវត្តមាន លោក ថោង ខុន រដ្ឋមន្ត្រីក្រសួងទេសចរណ៍ និងជាវ តាយ អភិបាល នៃគណៈអភិបាលខេត្តកំពត ព្រមទាំងថ្នាក់ដឹកនាំខេត្តកែប កោះកុង។

គម្រោងសាងសង់ហេដ្ឋារចនាសម្ព័ន្ធរមណីយដ្ឋានទេសចរណ៍ ក្រោមការគាំទ្រដោយគម្រោង (GMS TIIG) ក្នុងខេត្តចំនួន៣ គឺខេត្តកំពត ខេត្តកែប និងខេត្តកោះកុង។

ពិធីនេះបានធ្វើឡើងនៅរមណីយដ្ឋាន ទេសចរណ៍ភ្នំកំពង់ត្រាច ស្រុកកំពង់ត្រាច ខេត្តកំពត និងមានការចូលរួមផងដែរ ពីសំណាក់ ឯកឧត្តម លោកជំទាវ ប្រតិភូក្រសួងទេសចរណ៍ លោក-លោកស្រី អភិបាលរងខេត្ត  ថ្នាក់ដឹកនាំនិងមន្ត្រីរាជការមន្ទីរជំនាញអាជ្ញាធរស្រុកពាក់ព័ន្ធព្រមទាំងប្រជាពលរដ្ឋក្នុងមូលដ្ឋានប្រកបដោយបរិយាកាសអំណរសាទរ។

សមិទ្ធផលនៃគម្រោងសាងសង់ហេដ្ឋារចនាសម្ព័ន្ធរមណីយដ្ឋានទេសចរណ៍ក្នុងខេត្តចំនួនបីខាងលើនេះ ក្រោមការគាំទ្រដោយគម្រោង(GMS TIIG) ក្នុងក្របខ័ណ្ឌបណ្ដាប្រទេសមហាអនុតំបន់មេគង្គផ្ដោតសំខាន់ការអភិវឌ្ឍន៍ហេដ្ឋរចនាសម្ព័ន្ធទេសចរណ៍ សម្រាប់កំណើនប្រកបដោយនិរន្តរភាពនិងបរិយាបន្ន៕

អត្ថបទៈ សេង ណារិទ្ធ