ព័ត៌មានជាតិ

ឃាត់ខ្លួនជនសង្ស័យ០២នាក់ រួមនឹងសារធាតុញៀន

បានផុស

៥ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ជនសង្ស័យ២នាក់ ត្រូវកម្លាំងការិយាល័យប្រឆាំងគ្រឿង សហការជាមួយកម្លាំងអន្តរាគមន៍ប្រឆាំងបទល្មើសនៃស្នងការដ្ឋាននគរបាលខេត្តបាត់ដំបង បានចុះប្រតិបត្តិការបង្ក្រាប និងឃាត់ខ្លួនពីបទជួញដូរដោយខុសច្បាប់នូវសារធាតុញៀន ក្នុងបទល្មើសជាក់ស្តែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯកសុខ និមលប្រធានការិយាល័យប្រឆាំងគ្រឿងញៀនបានឲ្យដឹងថា នៅក្នុងកិច្ចប្រតិបត្តិការរបស់សមត្ថ កិច្ចខាងលើធ្វើឡើង នៅវេលាម៉ោង១៩និង៣៥នាទី កាលពីថ្ងៃទី២៩ ខែកញ្ញា ឆ្នាំ២០២១ នៅចំណុចភូមិវត្តគរសង្កាត់វត្តគរក្រុងបាត់ដំបង។

ជនសង្ស័យ ដែលត្រូវសមត្ថកិច្ចធ្វើការឃាត់ខ្លួន ឈ្មោះម៉ាន រ៉ាវី ភេទប្រុស អាយុ៣៨ឆ្នាំ មានទីលំនៅភូមិដាំស្ពៃ សង្កាត់ស្លាកែត ក្រុងបាត់ដំបង និងឈ្មោះថៃ សុវណ្ណះ ភេទប្រុស អាយុ៤១ឆ្នាំ មានទីលំនៅភូមិវត្តគរ សង្កាត់វត្តគរក្រុងបាត់ដំបង។ រួមជាមួយវត្ថុតាងមានដូចជា ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន០៤ថង់ទម្ងន់(២៥៧,៦៥ក្រាម)ទាំងសំបក និងទូរស័ព្ទដៃចំនួន០២គ្រឿងផង។ ក្រោយពីឃាត់ខ្លួនជនសង្ស័យនិងវត្ថុតាងត្រូវបានកម្លាំងការិយាល័យជំនាញនៃស្នងការដ្ឋាននគរបាលខេត្តបាត់ដំបង រៀបចំសំណុំរឿងត្រៀមបញ្ជូនបន្តទៅតុលាការ ដើម្បីចាត់ការតាមនីតិវិធី៕

អត្ថបទ៖ សៅ សារិទ្ធ