ព័ត៌មានជាតិ
និស្សិត១២ នឹងប្រកួតប្រជែងដណ្តើមជ័យលាភីក្នុងកម្មវិធីថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលចំណីអាហារ
ភ្នំពេញ ៖ ក្រុមនិស្សិតចំនួន ១២ ក្រុមមកពីសកលវិទ្យាល័យចំនួន ២ គឺសកលវិទ្យាល័យជាតិបាត់ដំបង និងសកលវិទ្យាល័យជាតិមានជ័យ បានចូលរួមប្រកួតដណ្តើមជ័យ លាភីក្នុងកម្មវិធីថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលចំណីអាហារ Cambodia Business Incubation for Food Product Development (CBI-Food) ដែលកម្មវិធីនេះនឹងផ្តល់ឱកាសឲ្យក្រុមនិស្សិតបានចូលរួមប្រកួតប្រជែងក្នុងគោលដៅបន្តនិងពង្រឹងការអភិវឌ្ឍធនធានមនុស្សផ្នែកកែច្នៃចំណីអាហារប្រកបដោយ គុណភាពសមត្ថភាពខ្ពស់ ភាពច្នៃប្រឌិត ស្មារតីសហគ្រិនភាពនិងនវានុវត្តន៍ សំដៅជំរុញកំណើនសេដ្ឋកិច្ចប្រកបដោយចីរភាពនិងបរិយាប័ន្ន។
កម្មវិធីថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលចំណីអាហារ Cambodia Business Incubation for Food Product Development (CBI-Food)” រៀបចំឡើងនៅថ្ងៃទី១១ ខែតុលា ឆ្នាំ២០២១។
លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្របច្ចេកវិទ្យានិងនវានុវត្តន៍បានថ្លែងក្នុងកម្មវិធីនោះតាមប្រព័ន្ធវីដេអូថា ថ្នាលបណ្តុះអាជីវកម្មសម្រាប់ការអភិវឌ្ឍផលិតផលកែច្នៃចំណីអាហារមានចរិតលក្ខណៈប្រកួតប្រជែងក្នុងគោលដៅបន្តនិងពង្រឹងការអភិវឌ្ឍធនធានមនុស្សផ្នែកកែច្នៃចំណីអាហារប្រកបដោយគុណ ភាពសមត្ថភាពខ្ពស់ ភាពច្នៃប្រឌិត ស្មារតីសហគ្រិនភាព និងនវានុវត្តន៍ សំដៅជំរុញកំណើនសេដ្ឋកិច្ចប្រកបដោយចីរភាពនិងបរិយាប័ន្ន។
លោកទេសរដ្ឋមន្ត្រី ចម ប្រសិទ្ធ បានបញ្ជាក់ថា រាជរដ្ឋាភិបាលកម្ពុជាបានកំណត់យកផលិតផលចំណីអាហារជាទំនិញយុទ្ធសាស្ត្ររបស់រាជរដ្ឋាភិបាលសម្រាប់ផ្គត់ផ្គង់សេចក្តីត្រូវរបស់ប្រជាពលរដ្ឋប្រចាំថ្ងៃតាមរយៈនេះផលិតផលទាំងអស់ទាមទារចាំបាច់ត្រូវមានគុណភាពនិងសុវត្ថិភាពដល់អ្នកប្រើប្រាស់ដូចនេះកម្មវីធីថ្នាលបណ្តុះអាជីវកម្មនេះ ពិតជាមានសារៈសំខាន់ក្នុងការជ្រោមជ្រែងនិងលើកកម្ពស់សហគ្រិនវ័យក្មេងនៅកម្ពុជាដើម្បីមានឱកាសក្នុងការបង្ហាញសមត្ថភាពការបង្កើតគំនិតច្នៃប្រឌិតថ្មីនិងការអភិ វឌ្ឍផលិតផលចំណីអាហារឲ្យមានគុណភាពខ្ពស់និងនវានុវត្តន៍ស្របតាមស្តង់ដារកម្ពុជានិងអន្តរជាតិ។
លោកទេសរដ្ឋមន្ត្រីបន្ថែមថា ការដាក់ឱ្យដំណើរការកម្មវិធីនេះជាសកម្មភាពដែលមានលក្ខណៈស្របនិងគាំទ្រដល់ផែនការយុទ្ធសាស្ត្រនិងគោលនយោបាយរបស់រាជរដ្ឋាភិបាលដូចជាយុទ្ធសាស្ត្រចតុកោណដំណាក់កាលទី៤, ផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៩-២០២៣,គោលនយោបាយអភិវឌ្ឍន៍ឧស្សាហកម្មឆ្នាំ២០១៥-២០២៥, សេចក្តីព្រាងគោលនយោបាយអភិវឌ្ឍន៍សហគ្រាសធុនតូចនិងមធ្យមឆ្នាំ២០២២-២០២៦, ផែនទីបង្ហាញផ្លូវវិស័យវិទ្យាសាស្ត្រ បច្ចេកវិទ្យា និងនវានុវត្តន៍កម្ពុជាឆ្នាំ២០៣០ ដែលមានគោលដៅបន្តនិងពង្រឹងការអភិវឌ្ឍធនធានមនុស្សប្រកបដោយគុណភាពសមត្ថភាពខ្ពស់ ភាពច្នៃប្រឌិត ស្មារតីសហគ្រិន និងនវានុវត្តន៍ដើម្បីចូលរួមចំណែក ជំរុញកំណើនសេដ្ឋកិច្ចប្រកបដោយចីរភាពនិងបរិយាប័ន្ន។
លោក ឈា ឡាយហ៊ី ប្រធាននាយកដ្ឋានសហគ្រាសធុនតូចនិងមធ្យមបានឲ្យដឹងថា កម្មវិធីប្រកួតប្រជែងនេះមានសមាសភាពចូលរួមពីក្រុមនិស្សិតចំនួន១២ក្រុមមកពី សកលវិទ្យាល័យចំនួន២គឺសកលវិទ្យាល័យ ជាតិបាត់ដំបងនិងសកលវិទ្យាល័យជាតិមានជ័យដោយផ្តល់ឱកាសឲ្យក្រុមនិស្សិតបានចូលរួមប្រកួតប្រជែងដើម្បីទទួលបាន ជ័យលាភីក្នុងនោះសម្រាប់លេខ១ទទួលបានប្រាក់រង្វាន់១៤លានរៀល,លេខ២ទទួលបានប្រាក់រង្វាន់ចំនួន១០លានរៀលនិងលេខ៣ទទួលបានប្រាក់រង្វាន់ចំនួន៦លានរៀល។
គួរបញ្ជាក់ថា កម្មវិធីថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលចំណីអាហារ Cambodia Business Incubation for Food Product Development (CBI-Food)” ឆ្នាំ២០២១ ត្រូវបានរៀបចំឡើងក្រោមគម្រោងកិច្ចសហប្រតិបត្តិការរវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ជាមួយទីភ្នាក់ងារសហ ប្រតិបត្តិការអន្តរជាតិអាល្លឺម៉ង់ (GIZ) ស្តីពីការអភិវឌ្ឍវិស័យសហគ្រាសធុនតូចនិង មធ្យម ព្រមទាំងមានកិច្ចសហការគាំទ្រជាមួយសកលវិទ្យាល័យជាតិបាត់ដំបងសកល វិទ្យាល័យជាតិមានជ័យសហភាពសហព័ន្ធយុវជនកម្ពុជា សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) និងសមាគមមូលនិធិសម្តេចតេជោ៕
ដោយ ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន