ព័ត៌មានជាតិ
ប្រព័ន្ធធារាសាស្ត្របុរាណ ដែលបន្សល់ទុករាប់ពាន់ឆ្នាំ នៅតំបន់រមណីយដ្ឋានអង្គរ អាចបញ្ចៀសបាននូវគ្រោះទឹកជំនន់យ៉ាងមានប្រសិទ្ធភាព
តាមព័ត៌មានមួយចំនួន តំបន់អង្គរទទួលរងនូវទឹកភ្លៀងយ៉ាងច្រើនជាប់ៗគ្នាក្នុងរយៈពេលប៉ុន្មានថ្ងៃនេះ បញ្ហានេះបានធ្វើឱ្យបរិមាណទឹកដែលហូរពីភ្នំគូលែន និងផ្នែកខាងជើង មានការកើនឡើងខ្ពស់ ដែលអាចបង្កជាទឹកជំនន់ ប៉ុន្តែបើតាមអ្នកនាំពាក្យអាជ្ញាធរជាតិអប្សរា ក្នុងរមណីយដ្ឋានអង្គរ ក៏ដូចជាក្រុងសៀមរាប នឹងពុំមានបញ្ហានោះទេ ដោយសារតែប្រព័ន្ធធារាសាស្ត្របុរាណ អាចបញ្ចៀសបាននូវគ្រោះទឹកជំនន់នេះ។
លោក ឡុង កុសល អ្នកនាំពាក្យអាជ្ញាធរជាតិអប្សរាបានថ្លែងប្រាប់កម្ពុជាថ្មីនារសៀលថ្ងៃទី២០ ខែតុលា នេះថា ទោះបីជាមានភ្លៀងធ្លាក់យ៉ាងណាក៏ដោយ ក៏មិនមានបញ្ហាអ្វីដែរ ហើយអ្វីដែលលោកហៅថា អត់បញ្ហានោះ គឺដោយសារតែទី១ ប្រព័ន្ធធារាសាស្ដ្របុរាណនេះអាចឲ្យអ្នកគ្រប់គ្រងទឹកអាចធ្វើការបង្វែរទឹកទៅតាមតម្រូវការរបស់ខ្លួនបាន។ មានន័យថា ក្នុងករណីយើងចង់រក្សាទុក យើងអាចបង្វែរតាមទីតាំងសំខាន់ៗរបស់យើងដូចជានៅបារាយណ៍ទឹកថ្លា បារាយណ៍ជ័យតដាក ដែលមានប្រាសាទនាគព័ន្ធនៅកណ្ដាល។
បើតាមលោក ឡុង កុសល បារាយណ៍ជ័យតដាក ដែលមានប្រាសាទនាគព័ន្ធនៅកណ្ដាលនេះ បានគោកស្ងួតរាប់រយឆ្នាំមកហើយ ប៉ុន្តែកាលពីឆ្នាំ២០១៧ អាជ្ញាធរជាតិអប្សរា បានបញ្ចូលទឹក ហើយបារាយណ៍នេះ ក៏បានមានទឹកជាប្រចាំរហូតមកដល់បច្ចុប្បន្ន។ ដូច្នេះប្រព័ន្ធធារាសាស្ត្រនេះ មានសារៈសំខាន់ក្នុងការរក្សាទឹកទុក។
លោក ឡុង កុសល អះអាងថា ក្រៅពីនោះក៏មានស្រះស្រង់ មានកសិន្ធុ នៅតាមប្រាសាទធំៗមួយចំនួន ដែលទីតាំងទាំងនោះ អាចរក្សាទឹកទុកបានយ៉ាងល្អប្រសើរ ហើយវាជាទឹកដែលបានយកមករក្សាទុក។ លោកថា នៅពេលដែលនាំទឹកមករក្សាទុកគ្រប់គ្រាន់ហើយ យើងអាចបង្វែរទឹកបង្ហូរចុះទៅខាងក្រោម ដោយបញ្ចៀសបានយ៉ាងមានប្រសិទ្ធភាពបំផុតនូវទឹកជំនន់នៅទីក្រុងសៀមរាប។
លោក ឡុង កុសល ថា នៅទីក្រុងសៀមរាប មិនអាចមានទឹកជំនន់ទេ ពីព្រោះទឹកនេះ នឹងហូបបង្វែរទៅតាមទីតាំងផ្សេងៗ ដូចជាតាមស្ទឹងរលួស ហូរចុះទៅទន្លេសាប ហើយក៏អាចបញ្ជូនទឹកនេះទៅតាមស្ទឹងពួក ស្ទឹងព្រះស្រុក ដើម្បីបង្វែរទឹកនេះ ចុះទៅទន្លេសាបបញ្ចៀសការទឹកជំនន់ផងដែរ “ដូច្នេះប្រព័ន្ធធារាសាស្ត្រនេះ នឹងមិនធ្វើឲ្យមានការព្រួយបារម្ភណាមួយទាក់ទងទៅនឹងទឹកជំនន់នៅទីក្រុងសៀមរាបនោះទេ”។
សូមបញ្ជាក់ថា ប្រព័ន្ធធារាសាស្ត្រនេះ ជាប្រព័ន្ធធារាសាស្ដ្របុរាណ ដែលបុព្វបុរសយើងបានបន្សល់ទុករហូតមកដល់ពេលបច្ចុប្បន្ននេះ ជាង១ពាន់ឆ្នាំមកហើយ ប៉ុន្តែប្រព័ន្ធធារាសាស្ត្រនេះនៅតែមានប្រសិទ្ធភាព ហើយអ្វីដែលអាជ្ញាធរធ្វើអប្សរាធ្វើ គឺគ្រាន់តែកែលម្អបន្ថែមតែប៉ុណ្ណោះ ដូចជាការរៀបចំទំនប់ ទ្វារទឹក និងការស្ដារឡើងវិញតែប៉ុណ្ណោះ ដើម្បីឲ្យកាន់តែមានប្រសិទ្ធភាព នេះតាមអ្នកនាំពាក្យ៕
ដោយ ៖ កោះកែវ
UN សរសើរកម្ពុជាពីគំរូនៃការជំរុញប្រព័ន្ធគាំពារសង្គម និងការងារសមរម្យ
ដំណើរទស្សនកិច្ចលោក ស៊ី ជីនពីង អ្នកវិភាគ រំពឹងថា នឹងជួយទាញវិនិយោគិនចិនមកកម្ពុជាកាន់តែច្រើន
កម្ពុជា-ម៉ាឡេស៊ីដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកូតដំណាក់កាលទី២
តួឯកស្រីក្នុងរឿង «Marry My Husband» សារភាពត្រង់ៗថា មុខមាត់ស្អាតឆ្លងកាត់កាំបិតសុទ្ធសាធ
កម្ពុជារំពឹងទទួលបានទេសចរចិនជាង ១ លាន នាក់មកទស្សនាក្នុងឆ្នាំ២០២៥នេះ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា