ព័ត៌មានជាតិ
អ្នកនាំពាក្យ៖ការប្រកាសចូលស្រុករបស់បក្ខពួក សម រង្ស៊ី គ្រាន់តែជាការគោះទឹកបង្អើលត្រីប៉ុណ្ណោះ
នេះជាការលើកឡើងរបស់អ្នកនាំពាក្យគណបក្សប្រជាជនកម្ពុជា លោក សុខ ឥសាន នាព្រឹកថ្ងៃទី០២ ខែធ្នូ ឆ្នាំ២០២០នេះ បន្ទាប់ពីក្រុមរបស់លោក សម រង្ស៊ី ដឹកនាំដោយលោកស្រី មូរ សុខហួរ បានប្រកាសត្រឡប់មកប្រទេសកម្ពុជា ជាថ្មីទៀត នៅថ្ងៃទី០៤ ខែមករា ឆ្នាំ២០២១ ខាងមុខ។
លោក សុខ ឥសាន បញ្ជាក់ថា ការប្រកាសចូលស្រុករបស់ក្រុមឧទ្ទាមក្រៅច្បាប់ វាគ្រាន់ជាការគោះទឹកបង្អើលត្រីប៉ុណ្ណោះ ហើយលទ្ធភាពចូលស្រុក គឺជាការចូលតាមអារម្មណ៏។ លោកបន្តថា អ្នកដែលមានលិខិតឆ្លងដែនបរទេស អាចចូលមកកម្ពុជាបាន តែនៅពេលមកដល់ទឹកដីកម្ពុជាហើយ អ្នកដែលបានប្រព្រឹត្តខុសច្បាប់ នឹងត្រូវទទួលខុសត្រូវចំពោះមុខច្បាប់ ដោយគិតតែអ្នកមានសញ្ជាតិខ្មែរ។
ចំពោះការដែលលើកឡើងពីការចូលស្រុក ដើម្បីចរចាជាមួយរដ្ឋាភិបាលនោះ លោក សុខ ឥសាន អះអាងថា “ដាច់ខាតអត់មានកើតឡើងទេ។ រាជរដ្ឋាភិបាលកម្ពុជា អត់ទទួលស្គាល់ក្រុមឧទ្ទាមក្រៅច្បាប់ទេ ហេតុនេះ អត់មានចរចាជាមួយក្រុមខុសច្បាប់ទេ”។
គួររំលឹកថា កាលពីថ្ងៃទី០១ ខែធ្នូ ឆ្នាំ២០២០ អតីតមេដឹកនាំអតីតគណបក្សសង្គ្រោះជាតិ ដែលកំពុងនីរទេសខ្លួននៅក្រៅប្រទេស បានប្រកាសត្រឡប់ចូលមកកម្ពុជា ជាថ្មីទៀតនៅថ្ងៃទី០៤ ខែមករា ឆ្នាំ២០២១ខាងមុខ បន្ទាប់ពីគម្រោងទី១ កាលពីថ្ងៃទី០៩ ខែវិច្ឆិកា ឆ្នាំ២០១៩ កន្លងទៅមិនបានសម្រេច។
ថ្នាក់ដឹកនាំអតីតគណបក្សសង្គ្រោះជាតិ ដែលប្រកាសវិលចូលកម្ពុជាវិញនៅថ្ងៃទី៤ ខែមករា ខាងមុខ ដឹកនាំដោយលោកស្រី មូរ សុខហួរ ហើយលោកស្រី មូរ សុខហួរ ថា គម្រោងចូលកម្ពុជាវិញនេះ គឺដើម្បីទៅតតាំងក្តីនៅសាលាដំបូងរាជធានីភ្នំពេញ ដែលបានចោទប្រកាន់ក្រុមថ្នាក់ដឹកនាំ និងសកម្មជនបក្សប្រឆាំងជាង១០០នាក់ពីបទ “ឧបឃាត” បទ “រួមគំនិតក្បត់” និងបទ”ញុះញង់” ប៉ុន្តែគម្រោងវិលចូលកម្ពុជាលើកនេះ លោក សម រង្ស៊ី មិនបានចូលរួមទេ។
ទោះជាយ៉ាងណា លោកស្រី មូរ សុខហួរ មិនបានបញ្ជាក់អំពីចំនួននៃថ្នាក់ដឹកនាំ នៃអតីតគណបក្សសង្គ្រោះជាតិ ដែលគ្រោងវិលមកកម្ពុជាវិញនោះទេ ប៉ុន្តែលោកស្រីបញ្ជាក់ថា អ្នកដែលត្រឡប់ទៅកម្ពុជានោះ មួយចំនួនមកពីសហរដ្ឋអាមេរិក និងមួយចំនួនទៀត មកពីប្រទេសបារាំង ហើយក្រុមមួយចំនួនមានសញ្ជាតិពីរ ដូច្នេះពួកគាត់នឹងប្រើលិខិតឆ្លងដែនសញ្ជាតិមួយទៀត ដើម្បីធ្វើដំណើរមកកម្ពុជា។
មន្រ្តីជាន់ខ្ពស់រាជរដ្ឋាភិបាល អះអាងថា អាជ្ញាធរបានត្រៀមខ្លួនរួចហើយ ដើម្បីចាប់ខ្លួនពួកគេតាមដីការបស់តុលាការ ប្រសិនបើពួកគេហ៊ានវិលមកកម្ពុជាវិញមែន៕
អត្ថបទ ៖ កោះកែវ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ