ព័ត៌មានជាតិ
កុមារ ២នាក់ ម្នាក់អាយុ ៣ឆ្នាំ និងម្នាក់ទៀតអាយុ ៥ឆ្នាំ លង់ទឹកស្រះស្លាប់
កុមារ ២នាក់ បានលង់ទឹកស្រះស្លាប់ ខណៈចុះលេងទឹកស្រះក្បែរផ្ទះរបស់ពួកគេ។ ហេតុការណ៍នេះ បានបង្កឲ្យ មានការភ្ញាក់ផ្អើល នៅវេលាម៉ោង ៦ល្ងាចថ្ងៃទី២៤ ខែតុលា ឆ្នាំ២០២១ នៅចំណុចក្រុមទី៥ ភូមិប៉ោយរំជៃ ឃុំរូងជ្រៃ ស្រុកថ្មគោល ខេត្តបាត់ដំបង។
តាមការបំភ្លឺពីឈ្មោះ ផល ដួង ភេទប្រុស អាយុ៦២ឆ្នាំ រស់នៅភូមិឃុំជាមួយគ្នា (ត្រូវជាជីតា) បាននិយាយថា កាលពីវេលាម៉ោង ៤ល្ងាច រូបខ្លួនកំពុងនៅផ្ទះ ស្រាប់តែចៅជីដូនមួយឈ្មោះ លឿន វីត ភេទប្រុស អាយុ ៤ឆ្នាំ រត់មកប្រាប់ខ្លួន ថា អាពីរនាក់នោះលេងទឹកស្រះ លិចចូលក្នុងទឹកបាត់ហើយ។
ភ្លាមៗនោះខ្លួន និងគ្រួសារ ក៏ទៅកន្លែងស្រះទឹក ស្រាប់តែឃើញទ្រនាប់ជើង នៅមាត់ស្រះមួយចំហៀង និងអណ្ដែតទឹកមួយចំហៀង ឈ្មោះ ផល ដួង ក៏ចុះរាវតែរកមិនឃើញ ដោយសារទឹកជ្រៅ ទើបខ្លួនទៅរកសំណាញ់មកបង់ក្នុងស្រះ ក៏រកឃើញសពចៅឈ្មោះ លឿន ចិត្ត មុន។ ក្រោយមកទើបរកឃើញសពឈ្មោះ ដួង ថៃ ម្នាក់ទៀត រួចក៏ស្រង់យកមកផ្ទះ ដាក់នៅលើគ្រែឆ្អើរភ្លើង នៅតែមិនដឹងខ្លួន ដោយពួកគេទាំងពីរនាក់បានស្លាប់បាត់ហើយ រួចក៏រាយការណ៍ជូនសមត្ថកិច្ចតែម្ដង។
ក្រោយពីពិនិត្យកន្លែងកើតហេតុ និងសពកុមារទាំង ២នាក់នេះរួចមក ក្រុមការងារបានធ្វើការសន្និដ្ឋានបានថា កុមារឈ្មោះ លឿន ចិត្ត ភេទប្រុស អាយុ ៣ឆ្នាំ នៅភូមិប៉ោយរំជៃ ឃុំរូងជ្រៃ ស្រុកថ្មគោល និងកុមារឈ្មោះ ដួង ថៃ ភេទប្រុស អាយុ ៥ឆ្នាំ នៅភូមិប៉ោយរំជៃ ជារូងជ្រៃ ស្រុកថ្មគោលដូចគ្នា ពិតជាស្លាប់ដោយលង់ទឹកប្រាកដមែន ដោយសារពួកគេចុះលេងទឹកស្រះ បណ្ដាលឲ្យលង់ទឹកស្លាប់តែម្ដង។ បច្ចុប្បន្នសពកុមារទាំង ២នាក់ ត្រូវបានកម្លាំងជំនាញប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណីរួចរាល់ហើយ៕
អត្ថបទ៖ សោ និយមរ័ត្ន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល