Connect with us

ព័ត៌មានជាតិ

ប្រជាពលរដ្ឋស្រុកទ្រាំង ខេត្តតាកែវ ទទួលផលស្រូវបានច្រើន ដោយសារមានទឹកគ្រប់គ្រាន់

បានផុស

នៅ

ពិតជាគួរឱ្យស្ងើចសរសើ និងចូលរួមសាទរជាមួយបងប្អូនប្រជាកសិករ ក្នុងស្រុកទ្រាំង ខេត្តតាកែវ ដែលពួកគាត់ទទួលបានផលស្រូវដ៏ច្រើនដែលមិននឹកស្មានដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការរៀបរាប់ពីលោកតា ហម កប ដែលជាប្រជាពលរដ្ឋរស់នៅក្នុងភូមិក្រាំងដៃ ឃុំធ្លក ស្រុកទ្រាំង ខេត្តតាកែវបានឱ្យដឹងថា ឆ្នាំនេះស្រូវគ្រប់ស្រែល្អខ្លាំងណាស់ដោយសារតែឆ្នាំនេះមានទឹកគ្រប់គ្រាន់ ហើយមិនលំបាកដល់កសិករដើរកបូមទឹកដាក់ស្រែនោះឡើយ។ ហើយប្រជាកសិករនាំគ្នាសប្បាយចិត្តព្រោះមានប្រឡាយបង្ហូរទឹកចេញពីប្រឡាយធំបានចែក​ចាយ​ដោយពុំបារម្ភខ្លាចខ្វះខាតទឹកធ្វើស្រូវនោះឡើយ។

លោកតា ហម កប បានបញ្ជាក់ថា បើប្រជាកសិករយើងបានផលស្រូវច្រើនដូចឆ្នាំនេះគឺពិតជាលែងខ្វះខាតស្បៀងអាហារ​ហើយលក់ចេញទៅឱ្យឈ្មួញមានតម្លៃសមរម្យ។

ប្រជាពលរដ្ឋដែលរស់នៅក្នុងឃុំធ្លក ស្រុកទ្រាំង ក៏ដូចជាប្រជាពលរដ្ឋរស់នៅក្នុងស្រុកទ្រាំងទាំងមូលបានសម្ដែងការអរគុណ​ដល់លោក ឈួន ផានី អភិបាលស្រុកទ្រាំង ពិសេសក្រុមការងារគណបក្សប្រជាជនចុះជួយស្រុកទ្រាំងដែលបានខិតខំស្តារប្រឡាយបង្ហូរទឹកដើម្បីឱ្យមានទឹកពេញប្រៀបប្រឡាយដែលធ្វើឱ្យប្រជាកសិករមានទឹកបានធ្វើស្រែល្អបែបនេះ។

ដូច្នេះហើយទើបធ្វើឱ្យប្រជាពលរដ្ឋលោកមានការគាំទ្រដល់អាជ្ញាធរមូលដ្ឋានស្រុកទ្រាំង ខេត្តតាកែវ ដែលជានិច្ចកាលខិតខំបម្រើប្រជាពលរដ្ឋដោយមិនខ្លាចនឿយហត់ និងមិនប្រកាន់និន្នាការនយោយទៀតផង ឱ្យតែប្រជាពលរដ្ឋរស់នៅក្នុងស្រុកទ្រាំងទាំងអស់៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម