Connect with us

ព័ត៌មានជាតិ

កម្ពុជា​​ស្នើ​​​ការ​គាំទ្រ​​​​ ឲ្យ​រួចផុត​ពី​ការគំរាមកំហែងគ្រាប់មីនត្រឹមឆ្នាំ២០២៥

បានផុស

នៅ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានអំពាវនាវយ៉ាងទទូចដល់ដៃគូអភិវឌ្ឍ ប្រទេសជាមិត្ត អង្គការសប្បុរសធម៌ ក៏ដូចជាវិស័យឯកជនបន្តការជួយគាំទ្រ ផ្តល់កិច្ចសហការ និងភាពជាដៃគូ​ឱ្យកាន់តែខ្លាំងក្លាជាមួយអាជ្ញាធរមីន ដើម្បីឱ្យកម្ពុជាបានរួចផុតពីការគំរាមកំហែងដោយសារគ្រាប់មីនត្រឹមឆ្នាំ២០២៥។

ការអំពាវនាវរបស់សម្តេចអគ្គមហាសេនាបតីតេជោ ហ៊ុន សែន ធ្វើឡើងតាមរយៈសារលិខិតជូនចំពោះ «មិត្តវិស័យមីន» នាថ្ងៃទី០៤ ខែធ្នូ ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោនាយករដ្ឋមន្រ្តីបានលើកឡើងថា អាជ្ញាធរមីនជាសេនាធិការរបស់រាជរដ្ឋាភិបាលលើវិស័យមីន ដើម្បីឱ្យកម្ពុជាបានរួចផុតពីការគំរាមកំហែងដោយសារគ្រាប់មីនត្រឹមឆ្នាំ២០២៥ ដូចការតាំងចិត្តដែលមានចែងនៅក្នុងផែនការយុទ្ធសាស្ត្រជាតិសកម្មភាពមីន ២០១៨-២០២៥ សុំអំពាវនាវយ៉ាងទទូចដល់ដៃគូអភិវឌ្ឍប្រទេសជាមិត្ត អង្គការសប្បុរសធម៌ក៏ដូចជាវិស័យឯកជនបន្តការជួយគាំទ្រ ផ្តល់កិច្ចសហការ និងភាពជាដៃគូឱ្យកាន់តែខ្លាំងក្លាជាមួយអាជ្ញាធរមីន។

សម្តេចតេជោនាយករដ្ឋមន្រ្តីបានបញ្ជាក់ថា «យើងទាំងអស់គ្នាបានចាប់ផ្ដើមរួមគ្នាហើយយើងនឹងបញ្ចប់ការងាររបស់យើងជាមួយគ្នាដើម្បីឆ្ពោះទៅរកកម្ពុជាគ្មានមីនឆ្នាំ២០២៥» ។សម្តេចតេជោក៏បានរំលឹកផងដែរថាបន្ទាប់ពីរបបកម្ពុជាប្រជាធិបតេយ្យបានដួលរលំនៅថ្ងៃទី៧ ខែមករា ឆ្នាំ១៩៧៩ ប្រជាជនកម្ពុជាបានទទួលនូវសិទ្ធិនិងសេរីភាពនៃការរស់ រានមានជីវិតពេញលេញ។ ស្ថិតក្រោមគោលនយោបាយឈ្នះ ឈ្នះ នាចុងឆ្នាំ១៩៩៨ ព្រះរាជាណាចក្រកម្ពុជាបានទទួលនូវសុខសន្តិភាព ស្ថិរភាព និងការឯកភាពជាតិពាស ពេញផ្ទៃប្រទេសជាមួយនឹងការអភិវឌ្ឍលើគ្រប់វិស័យ។

សម្តេចតេជោនាយករដ្ឋមន្រ្តីបន្តទៀតថាកម្មវិធីបោសសម្អាតមីនមនុស្សធម៌ត្រូវបានចាត់ទុកជាកម្លាំងចលករមួយយ៉ាងសំខាន់ នាំមកនូវកិច្ចគាំពារ ការការពារសន្តិភាពសុវត្ថិភាព និងការអភិវឌ្ឍជូនដល់ប្រជាជននិងប្រទេសជាតិ ។ ក្នុងនាមរាជរដ្ឋាភិបាលនិងប្រជាជនកម្ពុជាសម្តេចតេជោក៏យកឱកាសនេះអរគុណនិងវាយតម្លៃខ្ពស់ជូនចំពោះដៃគូអភិវឌ្ឍ ប្រទេសជាមិត្តនិងអង្គការសប្បុរសធម៌ទាំងអស់ដែលបាននិងកំពុងផ្តល់វិភាគទានដ៏ថ្លៃថ្លានិងមានតម្លៃ ជាថវិកា ឧបករណ៍​សម្ភារ និង ការកសាងសមត្ថភាព សម្រាប់វិស័យស កម្មភាពមីននៅកម្ពុជាព្រមទាំងបានផ្តល់ភាពជាដៃគូយ៉ាងសំខាន់ ក្នុងការចូលរួមការងារថែរក្សាសន្តិភាព ការសង្គ្រោះជីវិតការកាត់បន្ថយភាពក្រីក្រ និងការស្តារសេដ្ឋកិច្ចសង្គម។

សម្តេចតេជោនាយករដ្ឋមន្រ្តីក៏បានអរគុណដល់ប្រតិបត្តិករជាតិ អន្តរជាតិ ដែលបាននិងកំពុងប្រតិបត្តិការបោស​សម្អាត​មីនលើទឹកដីនៃព្រះរាជាណាចក្រកម្ពុជាពោរពេញដោយ បទពិសោធន៍ និងវិជ្ជាជីវៈខ្ពស់ ជាពិសេសជូនបងប្អូនអ្នក​ដោះមីន​ទាំងអស់ ដែលកំពុងបំពេញបេសកកម្មប្រកបដោយគ្រោះថ្នាក់ និងហានិភ័យខ្ពស់ក្នុងការរំដោះផ្ទៃដីផ្ដល់ជូន ប្រជាពលរដ្ឋប្រើប្រាស់ និងចូលរួមដល់ការអភិវឌ្ឍជាតិ៕

អត្ថបទ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

Sokha Hotels

ព័ត៌មានពេញនិយម