ព័ត៌មានជាតិ

គ្រួសារអ្នកស្លាប់ដោយជំងឺកូវីដទទួលបានថវិកាពីសម្តេចតេជោតាមរយះលោកចៅសង្កាត់ព្រែកថ្មី

បានផុស

៥ years មុន

នៅ

ថ្ងៃសុក្រ ១០ ធ្នូ ២០២១

ដោយ

នារសៀលថ្ងៃទី០៩ ខែធ្នូ នេះ លោក លីវ វណ្ណថេង ចៅសង្កាត់ព្រែកថ្មី រួមទាំងលោក លោកស្រីមេភូមិ បាននាំយកទឹកប្រាក់ឧបត្ថម្ភពីសម្ដេចអគ្គមហាសេនាបេតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជាកញ្ចប់សម្រាប់ឧបត្ថម្ភជូនដល់សមាជិកគ្រួសារមានអ្នកស្លាប់ដោយសារវីរុសកូវីដ១៩ កន្លងមកនេះ សម្រាប់ផ្គត់ផ្គង់លើផ្នែកម្ហូបអាហារ ថ្លៃទឹកភ្លើង និងការខ្វះខាតដែលគ្រួសារនីមួយៗបានជួបប្រទះកន្លងមក។

ទឹកប្រាក់ដែលផ្ដល់ជូន គឺមានចំនួន១៨លានរៀល គិតជាគ្រួសារមានចំនួន ៩គ្រួសារ ដោយក្នុង១គ្រួសារ ទទួលបានប្រាក់ចំនួន ២ លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លីវ វណ្ណថេង ក៏បាននាំណែនាំប្រជាពលរដ្ឋបន្ថែម ឲ្យមានការយកចិត្តទុកដាក់ខ្ពស់លើការថែរក្សា សុខភាព សុខុមាលភាព និងជីវភាពរស់នៅប្រចាំថ្ងៃ ព្រមទាំងអនុវត្តគោលការណ៍របស់សម្ដេចតេជោ ៣កុំ និង៣ការពារ។

តបនឹងការយកចិត្តទុកដាក់ពីថ្នាក់ដឹកនាំគ្រប់ជាន់ថ្នាក់ ប្រជាជនសំដែងនូវក្ដីសប្បាយរីករាយ រួមទាំងអរគុណយ៉ាងខ្លាំងដល់សម្ដេច ក៏ដូចជារដ្ឋាភិបាល ដែលតែងតែគិតគូរ ពីសុខទុក្ខរបស់ប្រជាពលរដ្ឋកន្លងមក ។

ដោយយោងលើក្រុមគ្រួសារដែលមានសមាជិកស្លាប់ដោយសារជំងឺកូវីដ១៩ ដែលមិនទាន់បានទទួលសាច់ប្រាក់ រដ្ឋាភិបាល ក៏ដូចជាថ្នាក់ដឹកនាំគ្រប់ជាន់ថ្នាក់ រួមទាំងរដ្ឋបាលសង្កាត់ព្រែកថ្មី នឹងព្យាយាមពន្លឿនការងារនេះឲ្យកាន់តែមានភាពឆាប់រហ័ស ដើម្បីសម្រាលបញ្ហានានានៃផ្នែកសេដ្ឋកិច្ចរបស់ប្រជាពលរដ្ឋក្នុងមូលដ្ឋាន៕

អត្ថបទ៖ នរា