ព័ត៌មានជាតិ
ទំហំពាណិជ្ជកម្មទ្វេភាគី កម្ពុជា-វៀតណាម ឆ្នាំ ២០២០ ឈានជិតដល់ ៦ ពាន់លានដុល្លារ បើទោះបីមានវិបត្តិកូវីដ
ការបញ្ជាក់នេះ នៅក្នុងលទ្ធផល នៃកិច្ចប្រជុំលើកទី ១៩ របស់គណៈកម្មការចម្រុះកម្ពុជា-វៀតណាម តាមប្រព័ន្ធវីដេអូ ដែលផ្សព្វផ្សាយដោយក្រសួងការបរទេសកម្ពុជា កាលពីយប់មិញ ហើយទំហំ ពាណិជ្ជកម្មនេះ ត្រូវបានព្យាករណ៍ថា នឹងកើនដល់ ៨ ពាន់លានដុល្លារ នៅឆ្នាំ ២០២១។
កិច្ចប្រជុំនោះ ដឹកនាំដោយសហប្រធាន គឺលោកឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិជាមួយលោក ប៊ូយ ថាញ់សឺន រដ្ឋមន្ត្រីការបរទេស នៃសាធារណរដ្ឋសង្គមនិយមវៀតណាម។ នៅក្នុងកិច្ចប្រជុំនោះ ភាគីទាំងពីរបានពិភាក្សា និងផ្លាស់ប្តូរទស្សនៈគ្នាលើទិដ្ឋភាពផ្សេងៗ នៃកិច្ចសហប្រតិបត្តិការទ្វេភាគី រួមមាន សន្តិសុខ-នយោ បាយ ពាណិជ្ជកម្ម ការវិនិយោគ និងកិច្ចសហប្រតិបត្តិការវប្បធម៌-សង្គម។
បើតាមក្រសួងការបរទេស កិច្ចសហប្រតិបត្តិការពាណិជ្ជកម្ម ថ្វីត្បិតតែមានការរីករាលដាល នៃជំងឺរាតត្បាត ភាគីទាំងពីរបានកត់សម្គាល់ដោយការពេញចិត្ត ដែលទំហំពាណិជ្ជកម្មទ្វេភាគីរវាងកម្ពុជា និងវៀតណាម បានឈានដល់ជិត ៦ ពាន់លានដុល្លារនៅឆ្នាំ ២០២០ ហើយត្រូវបានព្យាករណ៍ថា នឹងកើនដល់ ៨ ពាន់លានដុល្លារ នៅឆ្នាំ២០២១ គឺកើនលើសពី ៥ ពាន់លានដុល្លារ ដែលជាការរំពឹងទុករបស់មេដឹកនាំនៃប្រទេសទាំងពីរ។
ដើម្បីរក្សានូវសន្ទុះកើនឡើងនេះ ភាគីទាំងពីរ បានលើកទឹកចិត្តឱ្យក្រសួងផែន ការកម្ពុជា និងក្រសួងផែនការ និងវិនិយោគវៀតណាម ជំរុញកិច្ចសហប្រតិបត្តិការបន្ថែមទៀត ក្នុងការពន្លឿនការបញ្ចប់ផែនការមេ ស្តីពីការតភ្ជាប់សេដ្ឋកិច្ចកម្ពុជា-វៀតណាមឆ្នាំ ២០៣០ នៅចុងឆ្នាំ ២០២២។ ភាគីកម្ពុជា ក៏បានស្នើសុំបញ្ចប់សមិទ្ធិលទ្ធភាព នៃការសាងសង់ផ្សារនៅព្រំដែន ក្នុងឆ្នាំ ២០២២។ ភាគីទាំងពីរ បានឯកភាពសម្រួលការឆ្លងកាត់ទំនិញ ក្រោមបទបញ្ញត្តិនៃកិច្ចព្រមព្រៀងទ្វេភាគី តំបន់ និងអន្តរជាតិ ដែលភាគីទាំងពីរជាភាគីហត្ថលេខី រួមទាំង កិច្ចព្រមព្រៀងនៃភាពជាដៃគូសេដ្ឋកិច្ចគ្រប់ ជ្រុងជ្រោយតំបន់ដែលនឹងចូលជាធរមានចាប់ពីថ្ងៃទី ០១ ខែមករាឆ្នាំ ២០២២។
ចំណែកបញ្ហាវិនិយោគ ភាគីទាំងពីរបានកោតសរសើរចំពោះកិច្ចខិតខំប្រឹងប្រែងរបស់ក្រសួង និងបណ្តា ភ្នាក់ងារពាក់ព័ន្ធ ក្នុងការសម្របសម្រួល និងជំរុញការវិនិយោគទ្វេភាគី ស្របតាមច្បាប់វិនិយោគ និងបទប្បញ្ញត្តិពាក់ព័ន្ធនៃប្រទេសនីមួយៗ ហើយបានឯកភាពចាត់វិធានការសមស្របទាក់ទងនឹងការសម្រួលដល់ការវិនិយោគ ដើម្បីកាត់បន្ថយផលប៉ះពាល់ជាអវិជ្ជមានដែលបណ្តាលមកពីជំងឺរាតត្បាតកូវីដ-១៩ នៅក្នុងវិស័យសេដ្ឋកិច្ច។
ដើម្បីជំរុញដល់ពាណិជ្ជកម្ម និងវិនិយោគទ្វេភាគី ភាគីកម្ពុជាបានស្នើបង្កើតតំបន់សេដ្ឋកិច្ចពិសេសកម្ពុជា-វៀតណាម ក្នុងទឹកដីកម្ពុជា តាមបណ្ដោយព្រំដែនកម្ពុជា-វៀតណាម៕
អត្ថបទ៖ កោះកែវ
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល