លោកស្រី សុខ សោភា ៖មានអ៉ីសបប្រៀបដូចមានហាងទំនិញនៅលើបាតដៃអីចឹង

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារធនាគារ អេស៊ីលីដា ភីអិលស៊ី បានមានប្រសាសន៍ថា អ៉ីសបឬផ្សារអនឡាញរបស់ធនាគារអេស៊ីលីដាមានអត្ថប្រយោជន៍ច្រើនដល់សាធារណជនក្នុងការប្រើប្រាស់នៅក្នុងជីវភាពប្រចាំថ្ងៃពិសេសជួយសម្រួល ក្នុងការបញ្ជាទិញទំនិញរាប់ម៉ឺនមុខនិងម្ហូបអាហារផ្សេងៗដោយមិនចាំបាច់ធ្វើដំណើរចេញទៅទិញនៅខាងក្រៅឡើយ។

លោកស្រីបានបន្តថា « មានអ៊ីសបបៀបដូចមានធនគារនៅនឹងដៃមានហាងទំនិញនៅនឹងដៃអតិថិជនគ្រាន់តែចុចនៅលើទូរស័ព្ទដៃទៅអាចកុំម្ម៉ង់ទិញទំនិញនិងចំណីអាហារផ្សេងៗបានភ្លាមៗហើយការដឹកជញ្ជួនមកដល់ផ្ទះតែម្តងដោយមិនចាំបាច់រង់ចាំយូរទេចំណេញពេលវេលាក្នុងការបំពេញការងារឬអាជីវកម្មព្រមទាំងអាចការពារពីការឆ្លងជំងឺផ្សេងៗព្រោះកន្លែងដែលគាត់ទៅមានមនុស្សប្រមូលផ្តុំច្រើនងាយប្រឈមនឹងហានិភ័យខ្ពស់ក្នុងការឆ្លងជំងឺពិសេសជំងឺកូវីដ១៩»។

លោកស្រីបានបន្តថាជាងនេះទៀតអ៊ីសបក៏បានចូលរួមផ្សព្វផ្សាយផលិតផលរបស់កសិករខ្មែរដល់ប្រជាជននិងបរទេសឱ្យបានស្គាល់នូវផលិតផលដ៏សម្បូរបែបមាននៅក្នុងប្រទេសកម្ពុជាផងដែរ។

យ៉ាងណាក៏ដោយ លោកស្រី បានបញ្ជាក់ថាហាងលក់ទំនិញដែលជាដៃគូរបស់អ៊ីសបត្រូវលក់ទំនិញប្រកបគុណភាពនិងធានាការផ្គត់ផ្គង់ជូនដល់អតិថិជន រួមទាំងការដឹកជញ្ជួនឱ្យបានទាន់ពេលវេលាដោយមិនមានការរអាក់រអួលឡើយ។ចំពោះការទូទាត់វិញគឺមានប្រសិទ្ធភាពនិងប្រសិទ្ធផលដោយសារចំណាយតិច។

    លោកស្រីបានបញ្ជាក់ថាការបង្កើតអ៊ីសបនេះគឺជាឆ្លើយតបទៅតាមទស្សនៈនិងបេសកកម្មរបស់ធនាគារដែលតែងតែរិះរកវិធីផ្តល់សេវាកម្មល្អជាងគេនិងជួយដល់អតិថិជនក្នុងការចាត់ចែងហិរញ្ញវត្ថុហើយអ៊ីសបនេះជាមធ្យោបាយមួយថ្មីសម្រាប់កម្ពុជាខណៈបច្ចុប្បន្នការទូទាត់ដោយប្រើអេស៊ីលីដាម៉ូបាលមានរហូតដល់ទៅ ៩៤ភាគរយ៕