ព័ត៌មានជាតិ
សម្តេចតេជោ ហ៊ុន សែន នឹងអញ្ជើញសម្ពោធជាផ្លូវការអគាររដ្ឋបាលទីស្តីការក្រសួងការពារជាតិនៅព្រឹកថ្ងៃទី២៩ ខែធ្នូស្អែកនេះ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញជាអធិបតីភាពដ៏ខ្ពស់ខ្ពស់ពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល និងសាលប្រជុំទីស្តីការក្រសួងការពារជាតិនៅព្រឹកថ្ងៃពុធទី២៩ខែធ្នូ ឆ្នាំ២០២១ ចំថ្ងៃនៃខួប ២៣ឆ្នាំ នៃទិវានយោបាយឈ្នះឈ្នះ។
សម្តេចនាយករដ្ឋមន្ត្រី ហ៊ុន សែន បានមានប្រសាសន៍កាលពីថ្ងៃទី៨ខែវិច្ឆិកា ឆ្នាំ២០២១ ក្នុងពិធីសម្ពោធអគារក្រសួងរៀបចំដែនដីនគរូបនីយកម្មនិងសំណង់ថាក្រសួងការពារជាតិនឹងត្រូវសម្ពោធដាក់ឱ្យប្រើប្រាស់នៅថ្ងៃទី២៩ ខែ ធ្នូ ឆ្នាំ២០២១ ដែលចំនឹងខួបលើកទី២៣ នៃការបិទបញ្ចប់ភ្លើងសង្គ្រាមនៅកម្ពុជា។
យោងតាមរបាយការណ៍ក្រសួងការពារជាតិបានឲ្យដឹងថា អគាររដ្ឋបាលនៃទីស្ដីការក្រសួងការពារជាតិថ្មីនេះមានទទឹងប្រវែង ២៨ ម៉ែត្រ,បណ្ដោយប្រវែង ១៩១ ម៉ែត្រមានកម្ពស់ ៣២ ម៉ែត្រនិងមានចំណតរថយន្តនៅក្រោមដីដែលអាចចតរថយន្តបានរហូតដល់ទៅ១៥០គ្រឿង។ អគាររដ្ឋបាលនៃក្រសួងការពារជាតិថ្មីនេះបានបើកការដ្ឋានសាងសង់កាលពីថ្ងៃទី៣០ ខែមិថុនា ឆ្នាំ២០១៨ ដែលតាមគម្រោងផែនការសាងសង់មានរយៈពេល៣៦ ខែ នឹងបញ្ចប់ការសាងសង់នៅថ្ងៃទី ៣០ខែមិថុនាឆ្នាំ២០២១។ ប៉ុន្តែដោយសារវិបត្តិ ជំងឺកូវីដ១៩ការសាងសង់ត្រូវបានស្នើសុំពន្យារពេលកិច្ចសន្យារយៈពេល ៤ ខែបន្ថែមទៀតដូច្នេះការដ្ឋានត្រូវពន្យារពេលរហូតដល់ថ្ងៃទី ៣១ ខែតុលា ឆ្នាំ២០២១ទើបបានបញ្ចប់ ការសាងសង់។ អគារទីស្តីការថ្មីរបស់ក្រសួងការពារជាតិដែលធ្វើការសាងសង់រួចរាល់ទាំងស្រុងមានលក្ខណៈពិសេសដោយអាចឲ្យឧទ្ធម្ភាគចក្រចុះចតលើដំបូលបាន៕
ដោយ ៖ ណារី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)