នាយករដ្ឋមន្ត្រីកម្ពុជា អនុញ្ញាតឱ្យជ្រើសរើសពលទាហានថ្មី១១១នាក់សម្រាប់បញ្ជាការដ្ឋានអង្គរក្ស

រាជរដ្ឋាភិបាលកម្ពុជា អនុញ្ញាតឱ្យជ្រើសរើសពលទាហានថ្មីចំនួន១១១នាក់ សម្រាប់ក្របខ័ណ្ឌបញ្ជាការដ្ឋានអង្គរក្ស នៃអគ្គបញ្ជាការដ្ឋាននៃកងយោធពលខេមរភូមិន្ទ។ នេះបើតាមសេចក្ដីសម្រេចរបស់សម្ដេចធិបតី ហ៊ុន ម៉ាណែត ចុះថ្ងៃទី ២៣ ខែមករា ឆ្នាំ២០២៤។

ប្រការ១ នៃសេចក្ដីសម្រេចរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យក្រសួងការពារជាតិ ជ្រើសរើសពលទាហានថ្មីចំនួន ១១១នាក់ សម្រាប់បំពេញក្របខ័ណ្ឌឱ្យបញ្ជាការដ្ឋានអង្គរក្ស។

ប្រការ២ នៃសេចក្ដីសម្រេចដដែលនេះ សម្ដេចធិបតី នាយករដ្ឋមន្ត្រី បានណែនាំដល់រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងការពារជាតិ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អគ្គមេបញ្ជាការ នៃកងយោធពលខេមរភូមិន្ទ ព្រមទាំងថ្នាក់ដឹកនាំនៃក្រសួងស្ថាប័នពាក់ព័ន្ធ ត្រូវអនុវត្តតាមសេចក្ដីសម្រេចនេះ ចាប់ពីថ្ងៃចុះហត្ថលេខានេះតទៅ៕