ព័ត៌មានជាតិ

ក្បួនម៉ូតូកង់បីរបស់អាវុធហត្ថ នៅតែបន្តអំពាវនាវឲ្យប្រជាជនរួមគ្នាបង្ការទប់ស្កាត់វីរុសកូវីដ-១៩

បានផុស

៦ years មុន

នៅ

ថ្ងៃពុធ ៩ ធ្នូ ២០២០

ដោយ

អាវុធហត្ថរាជធានីភ្នំពេញ ក្រោមការបញ្ជាផ្ទាល់ពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ បានបញ្ចេញក្បូនម៉ូតូកង់បីចំនួន១២គ្រឿង បំពាក់ដោយ ឧគ្ឃោសនស័ព្ទ ធ្វើការអំពាវនាវនិងចាក់ផ្សាយ សេចក្ដីណែនាំ ពីវិធានការប្រយុទ្ធប្រឆាំងនឹងជំងឺរាតត្បាតកូវីដ១៩ កាលពីរសៀលថ្ងៃទី០៧ និងព្រឹកថ្ងៃទី០៨ និងទី៩ ខែធ្នូ ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអាវុធហត្ថរាជធានី បានបញ្ជាក់មុននេះបន្តិចថា ក្បូនម៉ូតូកង់បីចំនួន១២គ្រឿង បំពាក់ដោយ ឧគ្ឃោសនស័ព្ទ ធ្វើការអំពាវនាវនិងចាក់ផ្សាយ សេចក្ដីណែនាំ ពីវិធានការប្រយុទ្ធប្រឆាំងនឹងជំងឺរាតត្បាតកូវីដ១៩ តាមរយៈសារសំឡេង ដែលអាវុធហត្ថរាជធានីភ្នំពេញ បានចងក្រងឡើង ដើម្បីអំពាវនាវឲ្យប្រជាពលរដ្ឋចូលរួមសាមគ្គីគ្នា បង្ការ ទប់ស្កាត់ ការឆ្លងរីករាលដាល នូវជំងឺ កូវីដ-១៩ ចូលក្នុងសហគមន៍ក្នុងទ្រង់ទ្រាយធំ តាមការណែនាំរបស់ក្រសួងសុខាភិបាល ក៏ដូចជា ប្រមុខរាជរដ្ឋាភិបាល។

ប្រភពបន្តថា ការផ្សព្វផ្សាយជាសាធារណៈតាមក្បូនម៉ូតូកង់បីរបស់អាវុធហត្ថរាជធានីធ្វើជារៀងរាល់ថ្ងៃតាមដងផ្លូវ និងទីប្រជុំជនតែម្ដង ដើម្បីរួមគ្នាបន្តប្រយុទ្ធប្រឆាំងនឹងជំងឺដ៏កាចសាហាវនេះមិនឲ្យឆ្លងចូលសហគមន៍ក្នុងទ្រង់ទ្រាយធំដាច់ខាត៕

អត្ថបទ៖ វិមាន

សូមចុចអាន៖ ម៉ាឡេស៊ី ផ្ដល់ភាពស្របច្បាប់ដល់ពលករតែមានលក្ខខណ្ឌ

Related Topics:កងកម្លាំងអាវុធហត្ថ