ព័ត៌មានជាតិ
សម្តេចតេជោជួបសន្ទនា ជាមួយអគ្គនាយកសហព័ន្ធសន្តិភាពសកល ជុំវិញការរៀបចំ កិច្ចប្រជុំកំពូលពិភពលោកនាខែក្រោយ
សម្ដេចតេជោ ហ៊ុន សែន នាយករដ្ឋមន្រ្តីកម្ពុជា នៅព្រឹកថ្ងៃទី ១១ ខែមករា ឆ្នាំ ២០២២នេះ បានអញ្ជើញសន្ទនាតាមប្រព័ន្ធវីដេអូអនឡាញ ជាមួយលោកបណ្ឌិត យុន យ៉ុងហូ អគ្គនាយកសហព័ន្ធសន្តិភាពសកល។
ការពិភាក្សាព្រឹកនេះ សំដៅរៀបចំកិច្ចប្រជុំកំពូលពិភពលោក ឆ្នាំ ២០២២ ស្ដីពីសន្ដិភាព នៅឧបទ្វីបកូរ៉េ ដោយសារសម្ដេចនាយករដ្ឋមន្ត្រី ជាសហប្រធាន នៃគណៈកម្មការរៀបចំ នៃកិច្ចប្រជុំកំពូលនេះ។
លោកបណ្ឌិត យុន យ៉ុងហូ អគ្គនាយកសហព័ន្ធសន្តិភាពសកល បានរាយការអំពីការត្រៀមលក្ខណៈ និងសុំយោបល់ អនុសាសន៍មួយចំនួនពីសម្ដេចតេជោ នាយករដ្ឋមន្ត្រី លោកថា នៅពេលនេះ អ្វីៗបានត្រៀមគ្រប់លក្ខណៈហើយ ដែលមានការចូលរួមពីអតីតថ្នាក់ដឹកនាំ និងថ្នាក់ដឹកនាំកំពុងកាន់អំណាចនៅឧបទ្វីកូរ៉េ និងជុំវិញពិភពលោក ព្រមទាំងបណ្ដាញប្រព័ន្ធផ្សព្វផ្សាយជាង ៣៥០០ ជាច្រើនផងដែរ។
រដ្ឋមន្រ្តីប្រតិភូអមនាយករដ្ឋមន្រ្តី លោក កៅ គឹមហួន បានឱ្យដឹងថា ក្នុងកិច្ចប្រជុំកំពូលនេះ មានការចូលពីបណ្ដាប្រទេស ចំនួន ១៥៧ ដែលមានស្ថានទូតប្រចាំនៅប្រទេសកូរ៉េខាងជើង និងកូរ៉េខាងត្បូងផងដែរ។
លោកបណ្ឌិត យុន យ៉ុងហូ ក៏បានរាយការអំពីការត្រៀមមេដាយសន្ដិភាព ព្រមទាំងអញ្ជើញសម្ដេចនាយករដ្ឋមន្ត្រីចូលរួមដោយផ្ទាល់ដែលរៀបចំឡើងនៅថ្ងៃទី ១២-១៣ ខែកុម្ភៈខាងមុខនេះ ខណៈសម្ដេចក៏បានឯកភាពទទួលនូវការអញ្ជើញនេះ។
លោកបណ្ឌិត យុន យ៉ុងហូ ក៏បានរាយការណ៍ជូនសម្ដេចតេជោដែរថា មនុស្សសំខាន់ៗ (VIP) ប្រមាណ ២០ ម៉ឺននាក់ នឹងចូលរួមដោយផ្ទាល់ និងតាមប្រព័ន្ធអនឡាញផងដែរ ហើយថា អង្គការ UPF ក៏បានអបអរសាទរសម្ដេចនាយករដ្ឋមន្ត្រី ដែលចូលកាន់ជាប្រធានអាស៊ានសម្រាប់ឆ្នាំ ២០២២ នេះ ហើយក៏ស្វាគមនិងអបអរសាទរចំពោះ ទស្សនកិច្ចការងារ ទៅប្រទេសមីយ៉ានម៉ា ដែលអង្គការនេះ ចាត់ទុកថាជាទស្សនកិច្ចសន្តិភាព ព្រមទាំងស្វាគមនូវសមិទ្ធផលជោគជ័យ ទាំង ៣ ចំណុច ជាពិសេសការជំរុញឱ្យមានបទឈប់បាញ់ រហូតដល់ចុងឆ្នាំ ២០២២ ព្រមទាំងគាំទ្រប្រេសិតពិសេសរបស់ប្រធានអាស៊ានដើម្បីមានលទ្ធភាពក្នុងការជួបជាមួយភាគីពាក់ព័ន្ធ នៅប្រទេសមីយ៉ាន់ម៉ា និងការផ្ដល់ជំនួយមនុស្សធម៌។
អត្ថបទ៖ ឡេង ដេត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៣ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ