ព័ត៌មានជាតិ

កិច្ចប្រជុំចង្អៀតរដ្ឋមន្ត្រីការបរទេសអាស៊ាន AMM Retreat ត្រូវបានលើកពេល

បានផុស

៥ years មុន

នៅ

ថ្ងៃពុធ ១២ មករា ២០២២

ដោយ

កិច្ចប្រជុំចង្អៀតរដ្ឋមន្ត្រីការបរទេសអាស៊ាន (AMM Retreat) ដែលគ្រោងរៀបចំធ្វើនៅថ្ងៃទី១៨ និង១៩ ខែមករា ឆ្នាំ២០២២ នៅខេត្តសៀមរាបនោះ ត្រូវបានលើកទៅធ្វើនាពេលក្រោយវិញ នេះបើតាមការឲ្យដឹពិលោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ដែលបានជម្រាបជូនបណ្តាញសារព័ត៌មាន នារសសៀលថ្ងៃទី១២ ខែមករា នេះ។

បើតាមលោក កុយ គួង ការលើកពេលកិច្ចប្រជុំចង្អៀតរដ្ឋមន្ត្រីការបរទេសអាស៊ាន (AMM Retreat) នេះ ដោយមូលហេតុ រដ្ឋមន្ត្រីការបរទេសអាស៊ានជាច្រើនរូប មានការលំបាកក្នុងការធ្វើដំណើរមកចូលរួមក្នុងកិច្ចប្រជុំខាងលើ។

សូមបញ្ជាក់ថា កម្ពុជានឹង រៀបចំកិច្ចប្រជុំចង្អៀតរដ្ឋមន្ត្រីការបរទេសអាស៊ាន (AMM Retreat) ចាប់ពីថ្ងៃទី១៨ ដល់ ថ្ងៃទី១៩ ខែមករា ខាងមុខ នៅឯទីក្រុងសៀមរាប ភាគខាងជើងប្រទេស។ AMM Retreat ជាកិច្ចប្រជុំសំខាន់ដំបូងបង្អស់ក្នុងឆ្នាំ២០២២ ដែលកម្ពុជារៀបចំឡើងក្នុងនាម ជាប្រធានអាស៊ាន។ នៅកិច្ចប្រជុំខាងមុខនេះ រដ្ឋមន្ត្រីការបរទេសអាស៊ាននានានឹង ផ្លាស់ប្ដូរមតិយោបល់ជាមួយគ្នាអំពីកិច្ចការ ដែលអាស៊ានគ្រោងនឹងអនុវត្តន៍ ក៏ដូចជា បញ្ហាដែលអាស៊ានត្រូវប្រឈមក្នុងឆ្នាំនេះផងដែរ។

នាពេលថ្មីៗនេះ ក្នុងកិច្ចសន្ទនាអំពីអាណត្តិប្រធានអាស៊ានឆ្នាំ២០២២របស់កម្ពុជា ដែលបានរៀបចំឡើងដោយវិទ្យាស្ថាន Yusof Ishak រដ្ឋមន្ត្រីការបរទេសកម្ពុជា លោកឧបនាយករដ្ឋមន្ត្រី ប្រាក់ សុខុន បានចាត់ទុកថា AMM Retreat ជាកិច្ចប្រជុំថ្នាក់រដ្ឋមន្ត្រីដំបូង ដើម្បីពិភាក្សាអំពីការសម្រេចចិត្ត និងផែនការនានា ដែលប្រទេសសមាជិកអាស៊ាន បានឯកភាពគ្នាតាំងពីឆ្នាំទៅមិញ ព្រមទាំងជាឱកាស ដើម្បីពិភាក្សាអំពីគំនិតផ្ដួចផ្ដើមថ្មីៗ សម្រាប់ជំរុញការកសាងសហគមន៍អាស៊ានផងដែរ៕

ដោយ ៖ កោះកែវ