ជប៉ុនរៀបចំពិព័រណ៍សៀវភៅត្លុកនៅភ្នំពេញ ដើម្បីជំរុញឱ្យយុវជនកម្ពុជាមានទម្លាប់អានឱ្យបានច្រើន
Connect with us

ព័ត៌មានជាតិ

ជប៉ុនរៀបចំពិព័រណ៍សៀវភៅត្លុកនៅភ្នំពេញ ដើម្បីជំរុញឱ្យយុវជនកម្ពុជាមានទម្លាប់អានឱ្យបានច្រើន

បានផុស

នៅ

ស្ថានទូត​ជប៉ុន​ប្រចាំ​នៅ​កម្ពុជា​ ក្រោម​កិច្ចសហការ​ជាមួយ​មូលនិធិ​ជប៉ុន និង​ក្រសួង​វប្បធម៌​និង​វិចិត្រសិល្បៈ​ បានរៀបចំ​ពិព័រណ៍​សៀវភៅ​ត្លុកដែល​ភាសា​ជប៉ុន​ហៅថា «​ពិព័រណ៍​ម៉ាន​ហ្កា​» នៅក្នុង​រាជធានី​ភ្នំពេញ ក្នុង​គោលបំណង​ជំរុញ និង​លើកទឹកចិត្ត​ដល់​យុវជន​ឱ្យមាន​ទម្លាប់​ការមើល និង​អាន​ឱ្យបាន​កាន់តែច្រើន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធី​ពិព័រណ៌សៀវភៅ​ត្លុក​ជប៉ុន​នៅ​កម្ពុជា​នេះ ធ្វើឡើង​នៅ​ផ្សារ​ទំនើប​អ៊ី​អន​សែន​សុខ ចាប់ពី​សៀល​ថ្ងៃទី​១៤ រហូតដល់​ថ្ងៃទី​២៣ ខែមករា​ ដោយមាន​ការសម្រិតសម្រាំង​នូវ​សៀវភៅ​សម្រាប់​បង្ហាញ​ដល់​អ្នកអាន​ឱ្យ​ស្វែងយល់​ពីអារម្មណ៍ វប្បធម៌ សង្គម និង​ទស្សនវិជ្ជា​ផ្សេងៗ​។​

ថ្លែង​ក្នុង​កម្មវិធី​ពិ​ព័រ​ណ៌​សៀវភៅ​ត្លុក​ជប៉ុន​នៅ​កម្ពុជា​នៅ​រសៀល​ថ្ងៃនេះ ​លោក មិ​កា​មិ ម៉ាសា​ហ៊ី​រ៉ូ ឯកអគ្គរាជទូត​ជប៉ុន​ប្រចាំ​កម្ពុជា មានប្រសាសន៍ថា ពិព័រណ៍​សៀវភៅ​ត្លុក​រៀបចំឡើង​ក្នុង​គោល​បំណង​ដើម្បី​លើកកម្ពស់​ទម្លាប់​នៃ​ការអាន​ដល់​យុវជន​នៅ​កម្ពុជា​ដែល​កំពុង​តែមាន​ការថយចុះ​។​

លោក​ឯកអគ្គ​រាជ​ទួត​បាន​បន្តថា​ ពិព័រណ៍​នេះមិន​ត្រឹម​តែមាន​កម្មវិធីនិង​ព្រឹត្តិការណ៍​សប្បាយៗ​ប៉ុណ្ណោះ​ទេ ប៉ុន្តែ​ក៏មាន​កម្មវិធី​ពិភាក្សា​ជជែក​វែកញែក​ស្ដីអំពី​បញ្ហា​ដែល​ពាក់ព័ន្ធ​នឹង​ទម្លាប់​អាន​ស្រប​ពេល​ដែលមាន​មតិ​នៃ​បុគ្គល​មួយចំនួន​បានលើកឡើង​ពី​កង្វះ​សៀវភៅជា​ខេមរភាសា​សម្រាប់​អាន​ផងដែរ​។​

លោក​ឯកអគ្គ​រាជ​ទួត​បាន​បន្តទៀតថា ម្យ៉ាងទៀតវា​ក៏​ជា​ផ្នែក​មួយ​ដែល​ជជែក​គ្នា​អំពី​វប្បធម៌​នៃ​ការ​អាន​នៅ​កម្ពុជា ខណៈ​នៅក្នុង​ពិព័រណ៍​នេះ ក៏មាន​ស្តង់​ពិសេសដែល​ក្រុមការងារ​នឹង​ផ្តល់ព័ត៌មាន​ជាក់ស្តែងស្តីអំពី​ការសិក្សា​ភាសា​ជប៉ុន​សម្រាប់​អ្នក​ដែល​ចង់ដឹង ចង់ឃើញ ចង់​ស្គាល់​បន្ថែម​ពី​ប្រទេស​ជប៉ុន​ទៀតផង​។​

សូមបញ្ជាក់ថា សៀវភៅ​ត្លុក​នេះ​មាន​តួអង្គ​នីមួយៗ ទាំង​វីរបុរស ឬ​តួអង្គ​អាក្រក់មិន​ថា​ស្អាត ឬ​អាក្រក់ មិន​ថា​ស្មោះត្រង់ ឬ​ល្បិចដើម្បីឱ្យ​អ្នកអាន​អាច​ស្វែងយល់​ពី​អារម្មណ៍ វប្បធម៌ សង្គម និង​ទស្សនវិជ្ជា​ផ្សេងៗ ដែល​បង្កប់​ក្នុង​សាច់រឿង​៕​

អត្ថបទ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៨ នាទី មុន

ជនសង្ស័យ២នាក់​ លាក់​គ្រឿងញៀន​២កូនថង់​ ត្រៀម​លក់​ត្រូវ​នគរបាល​បង្ក្រា

សន្តិសុខសង្គម២២ នាទី មុន

ចាក់សោ​ផ្ទះ​ទុកចោល ត្រូវ​អគ្គិភ័យ ឆាបឆេះ​គ្មាន​សល់

កីឡា៣៨ នាទី មុន

រឿងរ៉ាវ ៣ សំខាន់ៗ ដែល​ត្រូវ​ទស្សនា​កម្មវិធី ONE: ONLY THE BRAVE នា​ថ្ងៃ​សុក្រ​នេះ

ព័ត៌មានជាតិ៣ ម៉ោង មុន

រដ្ឋាករ​ស្វយ័ត​ដឹកជញ្ជូន​សាធារណៈ​ប្រកាស​ព័ត៌មាន ពី​ករណី​ឈ្លោះប្រកែក​គ្នា​រវាង​អ្នកបើកបរ​រថយន្តក្រុង​និង​អ្នក​ម៉ូតូ​នៅ​ផ្លូវ​៣០​ម៉ែត្រ បុរី​សន្តិភាព​២

ព័ត៌មានជាតិ៣ ម៉ោង មុន

ផ្ទុះ​ការ​តវ៉ា ភាព​មិន​ប្រក្រតី ធ្លាយ​ចេញពី​ស្រុក​កូន​មុំ​ពាក់​ព័​ន្ឋ​ការដាក់​ដេញថ្លៃ ទូកដរ ចំនួន​២​ឃុំ

Sokha Hotels

ព័ត៌មានពេញនិយម